錢小豪年到60歲自嘲升呢做「綠悠男」：而家搭車2蚊幾爽
撰文：吳子生
出版：更新：
錢小豪今晚（8/2）帶同媽咪一同現身西九文化區戲曲中心大劇院觀看粵劇新「胡不歸」第二場。錢小豪笑言：「我而家要成日黐住媽咪，搞到我同佢好恩愛，冇咗佢唔得。話晒佢哋年紀都大，我都想用多啲時間陪吓佢，做個孝順仔，所以我一有時間就會成日帶住我阿媽走圍去，搞到我老豆呷晒醋。」
現年60歲錢小豪透露已攞綠悠咭。（葉志明攝）
提到剛踏入一生60歲階段，狀態依然Fit爆。錢小豪笑言：「其實而家我嘅身份唔同咗，升呢成為『綠悠男』同『花甲男』，尚且算係一名新人嚟。張綠悠咭我都攞咗，而家搭車兩蚊幾爽，同阿媽鍾意搭車去邊就去邊，唔使諗車費嘅問題。不過媽咪年紀大，多數我都係揸車車佢出去，始終有時搭車老人家上落又唔係好方便，加上人多，都驚老人家中招，所以坐我車多啲。」
孝順仔錢小豪今晚帶同母親睇粵劇新「胡不歸」第二場。（葉志明攝）