清談節目《不正常愛情研究所》今晚(22日)一集由J2ers黃紫恩(Jojo)、陳國麟(Doniven)、胡敏芝(Karen)連同兩位客席嘉賓麥惠琪(Susuca)及文頌男(Koba)主持,主題是「整容」。
同場加映:黃光亮視黃霑為榜樣夜店下跪拜師 人生閱歷豐富 半退休學笑看風雲
今集開首,一眾主持齊齊晒舊照,由於Karen舊照「萬聖節」味濃,Susuca忍不住寸她:「個樣好似名畫《吶喊》!」Koba則指曾被懷疑整容,Jojo聞言搞笑問:「成功定失敗先?」Koba嬲豬回應:「梗係覺得我靚咗啦,依家我好唔靚咩?」豈料Jojo再踩一腳:「OK嘅,但你絕對係內在美勝過外在美。」場面搞笑。
之後眾人輪流爆真人真事整容事件,Jojo透露有朋友天生單眼皮,由於該名朋友媽媽認識整容醫院院長,院長遂決定親自操刀做割雙眼皮手術,豈料「失敗」收場,原因更是啼笑皆非:「院長真係係畀咗最好嘅技術佢,但個院長審美停咗喺上一個年代,割咗個比較誇張嘅雙眼皮!」今集其中一個爆點,是「在座主持有整過對眼」,該主持被爆出後更直認無悔。
在「有故事的人」環節,節目組請來整容界KOL Berry,年近30歲的Berry曾公開透露指 17歲開始打透明質酸和埋線隆鼻,19歲完成隆胸手術,各種開刀手術及微整型超過100次,現在升呢成美容院老闆。
談到為何踏上整容之路,Berry說:「喺𡃁模年代嗰時開始整,望住佢哋覺得好靚,當時又周街都係呢啲廣告,所以抱住半試心態,之後就泥足深陷。」Berry更指與曾被前男友奚落有關。
談到身體曾動刀部位,Berry則豪爽謂:「除咗天靈蓋,其他地方基本上都整過。」再被問用了多少錢整容,Berry說:「百萬一定有,入坑好容易,但修復真係好貴,係一條不歸路。」Berry還以美容院老闆身份分享客人想「變靚啲」心態,更會大爆鮮為人知的整容案例,當中更涉及SM,密切留意今晚播出的《不正常愛情研究所》。
撰文:倪小珊
相片:大會提供