【now.com】鍾嘉欣和老公Jeremy Leung今日香港時間在溫哥華補擺喜酒,幾位好姊妹李亞男、岑麗香、苟芸慧和王君馨當然要專程飛去加拿大送嫁,秦沛和最後一屆港男先生冠軍李晉強亦獲邀出席。
幾位姊妹入面得李亞男結咗婚,咁嘉欣BB會拋花球畀邊個呢?最後係由王君馨成為幸運兒,不過原來她曾答應如果搶到花球會送畀苟姑娘,看來苟姑娘心急恨嫁喎!王君馨在微博貼相寫道:「識做嘅….說過如果攞到會俾你,加油ah苟苟。」苟姑娘就回覆:「辛苦了寶貝!我突然變得好搶手!」希望苟姑娘快點有著落啦。
而成為人妻的嘉欣BB就表示不會去度蜜月,會留在加國做少奶奶,享受吓新婚生活,仲爆老公想生4個,自己會努力配合喎,相信好快就會有好消息喇。雖然她表示仍熱愛演戲不會息影,但如果真係要生4個,應該有排都見唔到嘉欣BB的演出喇。