之前一排因疫情受影響長期休市 最近幾日開返,推出左好多款式優惠 外賣自取8折,黑松露叉燒飯配燉湯 原條叉燒切比你,份量係好多既,偏瘦,無咩肥肉,真係斬料都無咁多叉燒比你 包湯同飯一個 個飯偏乾身,可能放耐左啦,配埋個湯飲還好啦 叉燒份量非常多,水準算唔錯,健康版,亦都燒得夠香口,黑松露就食唔到了,個香氣幾乎係無 搭多2條菜比你...,平衡下唔好淨食肉 燉湯有雞腳同雞件,個味都燉得幾濃,係油膩左少少,但味道係夠既 另外每件碗收1蚊,共收3蚊,當係比佢收多一成加一 36蚊,呢口價,平過唔少餐外賣 會唔會再食?又未必會更多