當個肚越來越大，妳一定會同先生討論BB出世會似邊個？
其實從科學角度來講，遺傳基因有一定規律可循。XY染色體，究竟夫妻邊個的遺傳基因會決定BB的智商和長相？
智力遺傳自邊個？媽媽
智力有一定的遺傳性，同時亦會受環境、營養和教育等後天因素影響。據科學家估計，遺傳基因對智力的影響約佔50-60%，以遺傳學來說，媽媽聰明的話，生出來的孩子通常都聰明，如果係仔的話，就會更聰明。
點解會咁呢？原來人類與智力相關的遺傳基因主要集中在X染色體上。女性有兩個X染色體，男性只有一個，所以媽媽的智力在遺傳中就佔了更重要的位置。
我地首先複習下高中生物知識：男寶寶和女寶寶係點來呢？
男仔係XY，X(卵子)來自母親，Y(精子)來自父親。
女仔係XX，X(卵子)來自母親，X(精子)來自父親。
所以生男生女都係先生的錯，唔好怪媽媽肚皮唔爭氣。
請注意：
男仔係XY，所以男仔的智商全部來自母親遺傳，女仔係XX，所以女仔的智商係爸爸媽媽各影響一半。
因為女仔的智商係父母都有影響，所以會有中和效應。女性智商會呈現自然分佈(normal distribution)，圖表上睇就係倒鐘狀，中間最多，兩邊比較少。男性因為完全只受一方影響，智商分佈就會偏向兩個極端。即係話：男生天才比較多，但同時，蠢材也特別多。
身高遺傳自邊個？父母各佔一半
在營養均衡的前題下，孩子的身高有70%的可發展性掌握在父母手裡，即係話父母的基因係決定孩子身高的主要因素，因為決定身高的因素35%來自爸爸，35%來自媽媽。假如父母雙方都不高的話，那就要靠寶寶30%的後天努力了。
性格遺傳自邊個？爸爸
性格是父親的遺傳大。性格的形成固然有先天成分，但主要都係後天影響。如果要比的話，爸爸的影響力會大過媽媽。其中，父愛的作用對女兒影響更大。一位心理學家認為：「父親在女兒的自尊感、身份感和溫柔個性的形成過程中，扮演著重是的角色。」
另外有一位專家指出，父親可以傳授女兒好多生活上的重要教訓和經驗，使女兒性格更豐富多彩。
長相遺傳自邊個？逐個部位分析
膚色：
通常係「相乘再平分」的自然法則，根本無得揀。如果父母皮膚較黑，絕唔會有肌膚白嫩的子女；如果一個白一個黑，通常會遺傳一個「中性」膚色，好少特別偏一邊。
眼睛：
孩子的眼形和大小遺傳自父母，大眼睛是顯性遺傳。父母其中一方是大眼睛，生出來的小孩通常都大眼。雙眼皮都係顯性遺傳，父母一個單眼皮一個雙眼皮，寶寶很有可能係雙眼皮。但如果父母都係單眼皮，生出來通常都是單眼皮。
睫毛：
長睫毛也是顯性遺傳。父母其中一人有長睫毛，孩子遺傳長睫毛的可能性就非常大。
鼻子：一般來說，鼻子大、高而鼻孔寬係顯性遺傳。父母其中一人是挺直鼻樑，傳俾孩子的機會就很高。鼻子的遺傳基因會一直影響到成年，所以就算細個扁鼻，大個都可能會變高啊。
耳朵：
耳朵的形狀是遺傳的，大耳朵係顯性遺傳。父母其中一方耳仔大，那麼孩子亦很有可能大耳。
下顎：
係不顯性遺傳。父母是但一邊有突出的大下巴，子母通常毫無例外都有差唔多的下巴。
肥胖：
遺傳基因有53%機會會令子女變成肥仔肥妹，如果父母有一邊肥的話，孩子肥胖的機率就下降到40%。所以話，肥定唔肥，一半先天一半遺傳，完全可以通過合理飲食和充足運動令自己體態均勻。
禿頭：
造物主似乎偏幫女性，禿頭基因只會傳俾男仔。例如，爸爸有禿頭，傳俾個仔的機會就有50%，就連母親的爸爸，都有25%機會將禿頭基因隔代遺傳俾個孫。這種傳男不傳女的性別歧視，你都奈佢唔何。
如何在生寶寶前優化自己基因？
- 我同老公皮膚都好黑，但唔想生個BB出來都一樣黑。
黑夫妻想生白寶寶，媽媽可以多吃含豐富維他命C的食物。維他命C對皮膚黑色素有干擾作用，減少黑色素沉澱，寶寶皮膚會白滑細膩。
推薦食物：番茄、提子、柑桔、洋蔥、大蒜和蘋果等蔬果，其中以蘋果最好。
- 我同老公都係乾性皮膚，一到冬天就好容易乾裂，點先可以唔令寶寶受這份罪呢？
夫妻皮膚粗糙，媽媽應該吃多點含維他命A的食物，可以保護皮膚皮細胞，等第日孩子的皮膚細緻有光澤。
推薦食物：蛋黃、牛奶、紅蘿蔔、番茄、綠色蔬菜、水果、乾果和植物油等。
- 我家族有遺傳黃頭髮的基因，姐姐的寶寶宜宜家一歲頭髮就好黃，我的寶寶會唔會都遺傳到？
如果夫妻頭髮唔好，媽媽可以多吃含維他命B群的食物，可以改善寶寶髮質，唔單止濃密烏黑，仲會光澤油亮添。
推薦食物：瘦肉、魚、牛奶、麵包、豆類、雞蛋、紫菜、核桃、芝麻、粟米和綠色蔬菜。維他命B是脂溶性維他命，唔好食過量。
