之前去咗張保仔號嘅「海上下午茶之旅」($399/位,2位起),出發日需於15:15係尖沙咀一號公眾碼頭集合,15:30開船出發,整個體驗1.5小時至17:00落船。 帆船分上下兩層,下層船艙為密封中式設計,船頭座位則可清楚飽覽維港景色,而上層除可遮蔭仲可吹住海風用餐,所以亦係最多客人揀選。另船上座位無預先分配或安排,均以先到先...得形式揀選,所以建議盡早到達碼頭報到及排隊登船,以便揀得心水座位。 開船後,船員會向客人逐一安排下午茶套餐,套餐包括10款鹹甜點及2杯飲品,而鹹點及甜點分別由Dim Sum Library及Aqua餐廳供應: ⛵️黑松露蝦餃 ⛵️黑蒜燒賣 ⛵️黑椒和牛酥 ⛵️懷舊酥皮蛋撻 ⛵️意大利布袋芝士蛋糕 ⛵️檸檬小撻 ⛵️馬卡龍 ⛵️歌劇蛋糕 ⛵️迷你Tiramisu ⛵️英式鬆餅配奶油及果醬 下午茶套餐與預期一樣味道麻麻,鹹點全部唔熱,甜點則食剩不少,無乜邊款覺得特別好食,反而印象最深刻係個scone敲落隻碟會發出kang kang聲,感覺硬到唔想食😓 老實講,呢艘中式帆船係幾靚幾有特色,而且望住維港景吹住海風睇日落,的確愜意又舒服😌而且仲好啱打卡,但食物質素真係好一般,唔太值呢個價錢,未曾有過呢個體驗嘅可以一試,但真係一次就夠了🙈更多