雲浩影戒捱夜壞習慣　呈現不一樣的自己

歌手雲浩影（Cloud ）下午（20日）出席活動，與現場觀眾玩遊戲及唱新歌。剛推出處女專輯《THE CLOUD》的她，表示近期忙於宣傳工作，亦要計劃來年工作方向：「下年唔再係新人，要Plan吓音樂上點樣同大家呈現一個不一樣的自己。（轉行性感？）依家天氣凍，暫時都着多件衫先，哈哈。」除工作外，Cloud坦言也想放短假回氣：「平日好鍾意捱夜，唔健康嘅生活習慣，要瞓返多啲。（會唔會再想拍劇拍戲？）想再磨利啲把刀先，拍完《閃避球》我覺得自己仲有進步空間，會安排上戲劇班。」