【#timable周圍食】初次約會攻略 精選5間沉船餐廳 謎之晚上 世界變了幻象而你悄悄發亮

903 DJ 阿正同梁子成立嘅全新組合「FOOLYA 虎牙」喺琴日推出咗第一首歌 - 《沉船餐廳》，大家聽完有有回憶起第一次約會嗰種既緊張又心動嘅感覺呢？初次約會，一間氣氛好而好食嘅餐廳絕對加晒分！小T搜羅咗5間「沉船餐廳」，準備約會嘅你唔好錯過啦！

1. The Starred
如果有睇FOOLYA 虎牙 - 沉船餐廳嘅mv，一定會比復古嘅餐廳佈置吸引到！歐洲色彩濃厚，淡黃調嘅燈光，配搭古典音樂襯托環境，係浪漫餐廳之選！一定可以為初次約會增添情調～
📍 地點：筲箕灣筲箕灣道333號樂融軒地下4號舖
⏰ 營業時間：星期二至日 12:00 - 22:00


2. Glasshouse Greenery
依間係一間有情調既西餐廳，餐廳以人造綠色植物為主題裝飾，就似鬧市中的綠洲，而且餐廳有分室外同室內區，雖然係戶外，但座位附近有好大棵植物，可遮擋陽光，喺秋天時分有微風吹嚟仲會好舒服！提提大家餐廳係寵物友善餐廳，怕小動物嘅就未必適合啦！
📍 地點：尖沙咀梳士巴利道18號Victoria Dockside K11 Musea5樓501及503A號舖
⏰ 營業時間：星期一至日 08:30 - 23:00

3. Pici
風格獨特的意大利餐廳，又抵食又高質，花紋磚地配深啡色木枱凳，燈光比較昏暗，但加上蠟光就變得好有氣氛！雖然主打手工意粉餐廳，但甜品極度有驚喜！訂位嗰陣備註為慶祝生日，店員就會準備少少驚喜同即影即有比你留念～依間餐廳有好多分店，但小T就推薦尖沙咀分店啦！
📍 地點：尖沙咀漆咸道南29-31號地舖
⏰ 營業時間：星期一至五 12:00 - 23:00／星期六至日 11:30 - 23:00

4. Sevva
裝修得氣派非凡， 室外可以欣賞360度無死角嘅九龍同維港美景，餐廳內懸掛一盞用咗76,000顆水晶手工製成嘅萬花筒吊燈，除咗有酒飲，仲有極為吸睛嘅DJ打碟，整體而言都係比較有高級感嘅餐廳！
📍 地點：中環遮打道10號太子大廈25樓
⏰ 營業時間：星期一至日 12:00 - 15:00 & 18:00 - 00:00

5. BYOB Coffee Roaster
初次約會餐廳除咗要靚，食物好食都可以留下深刻印象！依間cafe裝修較簡潔，但環境非常舒適，文青風格令人感覺非常放鬆，特別推薦蟹膏蟹肉意粉，一上枱聞落去有好香既蟹膏味，每一啖都充滿住蟹膏同蟹肉，意粉極creamy！
📍 地點：屯門青桃徑5號文翔大廈地下2A號舖
⏰ 營業時間：星期一至日 12:00 - 21:00

圖片來源：網絡圖片