廖碧兒返加國完成學位 計劃報讀碩士課程 經已有一段時間無現身電視城嘅 廖碧兒 Bernice Liu 呢日作客《鬼上你架車3》節目做嘉賓,自認方向感差嘅Bernice話雖然電視城有啲地方無變,但自己都認唔到路要搵人帶。近年經已轉型從事有關洋酒事業嘅佢,喺外國有酒莊之餘,喺香港嘅酒吧亦成逆市奇葩。 除咗事業外,Bernice亦有進修品酒知識,仲有早前返到加拿大,完成大學課程嘅多年心願,而家計劃緊讀埋碩士課程,至於會否返娘家合作,佢透露仲有另一個節目合作緊,期待節目出街同大家見面。 #鬼上你架車3 #重返娘家 #廖碧兒