鄧兆尊兩妹愛情路上兜轉

五十歲嘅鄧兆尊御女有術，多年嚟收埋三位紅顏知己：Carmen、車厘子（Cherry）、Claire，大玩四人行，享齊人之福極為過癮，最近事件經大肆報道後，佢更因此被傳媒封為「再世韋小寶」。不過，佢阿媽洪金梅（祥嫂）就覺得好眼冤。

事實，多年來，祥嫂對仔女嘅感情事都非常勞氣。昔日，二女鄧小艾（原名鄧翠玉）為愛情同全家反面，盛傳，小艾婚後先洞悉自己嘅老公「釣魚郎」貪佢有錢，最終搞到離婚收場。多年嚟，小艾母兼父職湊大個仔，眨下眼，囝囝已經十四歲，個樣貌似男神張智霖，仲性格乖巧，總算有啲安慰。

三仔鄧兆榮，〇五年已婚，不過佢結婚之日，竟然冇請阿媽出席，梗係激到冇得飲新抱茶嘅祥嫂，生蝦咁跳。據聞，兆榮o依家已經好生性，同老婆婚後一直恩愛，仲有埋小朋友，一家人溫馨幸福。

至於四女鄧碧玉，雖然係年輕富婆，身家幾千萬，兼且十年前就有唔少裙下之臣，亦曾經帶過男友見家長，只可惜至今仍未搵到另一半。不過，佢就好積極咁扮靚去蒲，希望盡快搵到如意郎君！

鄧兆尊 （右二）同三位紅顏知己玩得開放，除了祥嫂不滿之外，連佢啲弟妹鄧碧玉（左一）、鄧兆榮（左二）、鄧小艾（右一），有時都會好言相勸。

單身嘅碧玉之前盛裝去ball，遇見一名猛男，竟然偷拍人，啲朋友仲叫佢加油添。

小艾與「釣魚郎」張文聰離婚後，獨力湊大乖仔阿Tim。

阿Tim之前去大舅父兆尊嘅五十歲生日會，十四歲嘅佢十足「

生活低調嘅三弟兆榮，婚後同太太非常恩愛，仲有埋小朋友，一家人溫馨幸福。