考2次車牌　蘇民峰買車揀錯色撞到total loss

由玄學家蘇民峰主持的無綫J2節目《呢鋪開乜﹕開壇》教大家研究風水命理，最近一集教大家揀選車牌與顏色去催運旺情。節目甫開始他便寫了一系列車牌，包括送給拍檔陳思行（Amber）的「S」、送給倪嘉雯（Carmen）的「S0 CAR」，以及黃嘉雯（Carmaney）的「FSS 168」。

他又自爆當年自己考車牌，要2次才過關，Carmaney則表示自己先後考了3次，蘇民峰即謂﹕「同你生得眉粗大膽有關，你開車仲會易出意外﹗」Carmaney即反駁自己揸車，連車身都未試過揩花，不過原來背後有玄機，她靦腆透露﹕「每次去到唔識嘅地方，揸唔掂都會話搵人幫手。」蘇民峰表示﹕「眉毛代表手，所以崩眉會易斷手斷腳，假如有打直一條紋，穿過眉會造成『左穿頭、右撞車』。而眼珠大細可以睇到一個人嘅心地。蘇民峰期後又寒、熱命人在揀汽車顏色時有很大分別﹕「我自己第一架車揀錯藍色，最終炒車total loss，好在人冇事咋。」