周家怡唔憂嫁 泳兒陪男友掘金

新一年來臨，一眾女星不急於「喜上加喜」，實行搵銀至上！周家怡打趣表示龍年「要財唔要嫁」，她搞笑說：「由26、27歲開始，每逢拜年就被問『幾時到你呀？』，依家都冇晒感覺喇！搵錢最實際。」而與髮型師男友拍拖多年的泳兒，去年誤傳婚訊被笑「狼來了」，問到今年會否拉埋天窗？她直言：「賺多啲錢先啦！我唔急，大家急過我啫！」但卻被軒仔踢爆：「因為男方創業嘛！暫時梗係事業為重啦！我都有去幫襯。」至於「洋新抱」鄧小巧婚後首度在港過年，她指丈夫不明白為何要派利是，令她氣結：「佢唔袋利是，交畀我全權負責，真係後悔當日簽字呀！哈哈！」