許志安寧被吊 誓保「貞節牌坊」

許志安（安仔）、張敬軒及周柏豪等前晚為《星光熠熠耀保良》擔任表演嘉賓，安仔出場時被吊至最高點彈鋼琴，事後他直認畏高，人愈大膽子愈細，但如果要他露肉，就寧願被吊也要保住「貞節牌坊」。

安仔與女聲合唱團合唱《Remember Me》，場面令他相當感動，但當被吊高的時候亦很緊張，問到下次再要他吊高會接受嗎？他說︰「如果有安全感，好似今晚有個琴同我一齊，望住佢咪唔知有幾高囉，如果要吊威也咁飛過去，就愈嚟愈細膽。以前都夠膽嘅，可能依家聽得太多安全帶意外，就算話check咗都會驚，愈摸佢（安全帶）就愈覺得唔知係咪甩咗，摸又驚唔摸又驚。」他自言試過拍戲要從60幾層樓行出去，以為好勇敢，其實NG了多次，問到寧願露肉都拒絕吊威也？安仔笑謂︰「要誓死保住牌坊，咁我寧願畀人吊！」

張敬軒表示已很久沒有參與TVB的大騷，故此嚴陣以待，他又自爆近日聲沙，曾擔心影響表演，幸好順利完成，他說︰「因為都排咗幾日，每次都六至七個鐘，會出盡奶力表演籌款，希望我哋呢Part籌得全場最高善款。」

周柏豪險到天國

周柏豪剛完成巡迴演唱會中山站，凌晨四點才趕返港，馬上就要到紅館綵排。他表示︰「喺上海站演出時發生驚險事，綵排做後空翻動作時差點頭先着地，幸好有條帶將他拉起，否則如果個頭直接落地，就返唔到嚟香港，去天國㗎啦！」之後他下定決心做到這個動作，大家都替他開心。

撰文︰Pauline

編輯︰黃卉彤

美術︰招潤洪