緣來地道風味(街粥)

營業中

休息中

【緣來地道風味（街粥）食評】🍲地點：緣來地道風味 (街粥) (葵涌)地址：葵涌大隴街143號葵都大廈地下4號舖最近去咗葵涌嘅緣來地道風味試嘢，真係有驚喜啊！呢度嘅煎釀三寶好少有地方可以堂食到，絕對係值得大力推介嘅！特別係度度必食嘅魚旦，每一粒都炸得鬆脆，一口咬落去，嚟個脆嘅感覺真係好過癮！💥好想即刻再食返一個啊！除咗煎釀三寶，呢度嘅炸物都有驚喜！尤其係炸薯條，真係好好味！每一條都炸得金黃鬆脆，一咬落去，外脆內軟，真係令人欲罷不能！🍟至於炸燒賣，就一般般啦，冇特別嘅驚喜，味道普普通。不過，如果你鍾意炸雞翼，就要小心啲，有啲炸得太耐，偏鹹嘅情況。⚠️唔好忽略咗呢度嘅油渣粉仔啊！同佢特製嘅菜蒲一齊食，口感真係好好！湯底濃郁，油渣粉仔煮得剛好，帶有嚼勁，令人回味無窮！😋真係好滿足呢！總括而言，最值得推介嘅就係煎釀三寶，魚旦鬆脆到爆燈，每一口都令人驚喜！加埋油渣粉仔同炸薯條，絕對係你嚟呢度唔可以錯過嘅選擇！👍呢度嘅緣來地道風味，真係帶你食遍街頭小食！而且呢度嘅價錢亦都相宜，好適合搵個舒服嘅地方坐低，慢慢品嚐！推介佢哋嘅煎釀三寶、油渣粉仔同炸薯條！💭

✨皮蛋瘦肉粥充滿中學回憶😂以前中學最鍾意食呢間嘅皮蛋瘦、炸燒賣、炸三寶、粉仔，抵食之餘 又好食🤤😋不過今日有少少唔舒服，淨係食粥，質素仍然冇變，都係好多肉同皮蛋，粥就係我最愛嘅質地。

今日去左好耐冇見既朋友屋企玩🤣臨走想食個靚糖水，近近地見街粥仲有開二話不說入左去再講！🛎 $23 生菜魚肉湯其實我本身想食碗仔翅但太夜所以賣曬試下生菜魚肉湯都好都幾大碗，魚肉好多，呢個宵夜食飽左我😗魚肉都幾彈牙，性價比唔錯啦🌐 環境/服務小店～有卡位，有長台，有人情味👍🏻

#搞串個pantry每一區都會有一啲所謂嘅宵夜🌙小食店，賣下啲煎炸嘢🔥、撈麵🍝等等。今次我哋就嚟到位於#石籬 嘅一間幾平💕嘅街坊小店，試吓佢哋嘅街坊小食😚，舖頭連甜品🍨都有㗎！今次我哋就嗌咗一碗🔴油渣粉仔($21)、🔵豬潤皮蛋粥($24)、🟤6件炸三寶($12)、🟠炸雞翼($10/兩隻)、⚫️椒鹽雞軟骨($18)。價錢💰比起好多舖頭都平好多，真係街坊良物。油渣粉仔🌟🌟🌟🌟一碗嘅份量適中，上面舖咗菜脯。食落口，粉仔好腍但唔會太粉🤤，味道就油膩偏重口味。豬油渣就介乎脆同腍之間🥢。喺石籬其實仲有一間出名食粉仔嘅餐廳，但呢間食落都唔差🤩。豬潤皮蛋粥🌟🌟🌟份量都幾多，裡面豬潤🐷同皮蛋數量都多。成碗粥食落口淡淡地🤗，唔係太有咸味，口感尚算綿密。豬潤口感偏粉，食到尾啲豬潤變得有啲硬😖。炸三寶、炸雞翼🌟🌟🌟三寶普普通通，不過勝在好平，種類都多，我哋就揀咗茄子、魚蛋🐟、蟹柳，三樣都唔錯。而炸雞翼🍗同樣無特別，裹咗一層炸粉，炸完灑咗啲椒鹽上去😙。椒鹽雞軟骨🌟呢個就極不推薦😤，每一粒雞軟骨都好硬🤯，外面嘅炸衣硬到不得了，一可能係炸得太過火，二可能係翻炸過😣。

同🤴🏻喺附近睇完 ‘ 毒舌大狀 ‘ 就順便過嚟食我好鍾意嘅粉仔同埋🤴🏻鍾意食嘅煎釀三寶😝😝我哋叫咗一人一碗粉仔，$22煎釀三寶+炸燒賣再加每人一碗糖水埋單都係$98，又抵、又好味又食得飽☺️☺️～～～油渣粉仔～～～今次食嘅粉仔比起之前食嘅味道淡左，我覺得唔夠重口味😅😅～～～煎釀三寶～～～$22有12件煎釀三寶唔止價錢平，選擇又多又大粒😄😄～～～炸燒賣～～～雖然唔係好大粒但炸到卜卜脆，再加少少華鹽吊味🙂🙂～～～西瓜🍉+蜜瓜西米露～～～生果新鮮有椰汁香嘅舊式香港味道西米露😙😙～～～凍豆腐花～～～豆腐花味正常OK😀😀

🍽油渣粉仔 $20大大碗，價錢合理，菜脯爽口咸香，湯底濃郁，加埋辣椒分，正啊！ 🍽煎釀三寶（六件） $11必食雲吞皮🤤好脆！ 🍽艇仔碎牛粥 $19大大碗，抵食！ 🍽炸雞髀🍗 $18$18 大大隻，炸得非常脆口，雞髀仲有肉汁，調味唔算太惹味。🍽西瓜椰果西米露 $18西瓜🍉椰果都係自選既！ 西米露唔會太甜，清新解膩，同炸物一齊食，正！

成班朋友係葵涌叫到會，又想食返D地道街頭小食，就叫左呢間試下，堂食食過，外賣叫下睇下又keep唔keep到質素~生菜魚肉湯重料，surprise，因為係魚肉多過菜~ 湯都濃，幾好~油渣粉仔送到黎個陣唔知係咪浸得淋得滯，好似有D起粉，爛爛地咁，不過味道係好食嘅~椒鹽雞軟骨炸得香口，但係好似炸完之後細粒左少少炸三寶好似叫左幾次都有執漏到，但係質素OK的~ 同街邊食味道一樣啦！炸中翼有個雞翼控係度，所以次次有佢係度都會叫，入味的，可以~炸燒賣係炸得幾出色，特別的，鍾意食香口野又鍾意食燒賣的朋友，沒有唔食的理由~魚肉燒賣可以，同街邊食的一樣，記住點返佢隻辣醬~碗仔翅好傑身個隻，都OK的，都足料，加醋食啊~艇仔皮蛋粥還好~ 覺得另外叫滑牛牛魚片生滾粥好食過呢類普通粥～

📝緣來地道風味(街粥) (葵涌)📍葵涌大隴街143號葵都大廈地下4號舖正宗狗仔粉/粉仔❤️老闆好似以前頂過比人做，近幾年自己做返，街坊都知去邊間🤣🙈街粥▶️緣來風味▶️緣來地道風味(街粥)吾簡單😿❤️🍽粉仔大大碗，價錢合理，我中意走菜脯改小小辣菜脯，多豬油渣🤣🍽再加煎釀三寶🤣❤️次次必去叫😋魚蛋茄子必叫，食過返到吾轉頭，甜麻辣醬全加😆有時加碗豆腐花、芒果布甸🤤老闆老闆娘個個都好好，不過吾系成日開，我成日都撞板🤣但系會繼續幫襯🥲小本經營、人情味濃❤️希望你地頂得住呢個疫情😭繼續整比我食😭❤️#石籬粉仔 #街粥 #粉仔 #狗仔粉 #緣來風味

鍾意食粉仔就係由呢間開始，就算出面其他有買都係鍾情呢間！好多年前工作到凌晨如果第二日放假，就會當晚特登坐🚌買兩碗粉仔+$20煎釀三寶再坐🚌回家自隊一番🥰🥰，不過人大左依家唔會食咁多啦！😝😝佢嘅油渣粉仔（$19）似食緊短短嘅烏冬麵，好有彈性又入味！而佢嘅湯底亦非常濃郁，鹹鹹地有少少辣就最好味！油渣方面都幾大件，唔係軟身個隻，炸得十分酥脆，買回家享用時都唔會比湯底浸‘淋’，非常出色😍😍煎釀三寶有好多款式比你揀，仲要好平$7/4件，$10/6件 ，呢個價錢可以係邊到搵？😘😘揀好後會幫你攞去返炸，所以會變返脹卜卜、唔會乾😋😋最近可能疫情關係幾次放工11點去到都冇開門，想問佢攞電話☎️費時摸門釘，點知佢真係同我講佢真係冇電話☎️！🥴🥴，咁想食真係要講下緣份啦😑😑