朱晨麗拍劇中暑暈倒

朱晨麗（朱朱）、何廣沛及楊卓娜等，近日忙於拍攝新劇《大醬園》。由於在大熱天時拍外景，加上朱朱經常休息不足，更「唔錫身」落手落腳洗醬料缸，日前她在外景場地突然休克暈倒，嚇得監製亦有到場慰問她。

朱朱承認暈倒一事，她解釋：「以前我好似隻牛咁捱得，近期發現身體弱咗好多，而且當日冇乜瞓過，結果搞到曬一曬就即場暈咗。」她又稱：「估唔到搞到咁大陣仗。有時趕戲好辛苦，但我同楊卓娜會輪流按摩，幫彼此減壓。」