陳山聰、姚子羚及陳子瑤(Yoyo)等昨為新劇《大步走》宣傳,山聰在活動上稱若收視有30點,便會叫Yoyo穿三點式跑步回饋觀眾。被擺上台的Yoyo就指,山聰私下投訴她上次宣傳穿得保守,「我同佢講有30點先著三點式,點知佢就幫我大事宣傳。」並要求山聰著泳褲示人。
山聰與子羚一同受訪,他認為Yoyo可以上身穿三點式,下身以legging示人,「我哋健康㗎嘛!佢咁好身材,一定要騷下。」問到子羚會否考慮同樣以三點式跑步,山聰就笑謂︰「佢著羽絨跑啦!」子羚隨即要求他以丁字褲示人,山聰耍手擰頭說︰「我依家身為爸爸,要俾個仔好榜樣!第日佢返學好慘㗎!俾人話『你睇下你爸爸,咁勁!』唔係咁好啦!」但子羚未有罷休繼續迫問山聰,搞到他轉移目標到劇中的女兒劉穎鏇身上︰「佢都好身材,推啲後生出嚟!唔通睇我呢啲阿叔咩!」