點解要早半年訂位?mezza9 「與廚共饗」超抵食海鮮自助晚餐。 今次澳門遊除咗帶閨蜜契女嚟玩之外,最重要仲有陪由加拿大返嚟嘅姑姐周圍影相、周圍食。我哋今晚會食超級期待嘅mezza9 自助餐。諗起都興奮😍極力推薦為食閨蜜一齊食😆仲一次過見晒我成家人🤣 今日我哋嘅行程都圍繞住Grand Hyatt ,一早食完早餐就帶契女...去Grand Hyatt 玩水,可惜我隻手受咗傷唔濕得水,安全起見只喺陪玩。 Grand Hyatt 酒店有幾個細嘅暖水池,小朋友有得玩吓水已經好開心,玩到唔捨得走。 之後我哋就去咗坐澳門輕軌,游覽澳門一圈,等姑姐可以一次過睇晒咁多間酒店。 行咗陣我哋就上咗澳門君悅酒店 Grand Hyatt 37樓行政酒廊嘉賓軒食下午茶。只要喺Grand Hyatt嘅住客就可以免費享用,一邊嘆下午茶,一邊欣賞全個澳門國際機場及港珠澳大橋的景色。 下午茶是自助形式,有唔同嘅小食糕點,仲可以飲鮮搾果汁、Nespresso 咖啡、TWG茶等等。我哋緊喺嘆返杯伯爵茶先啦! 呢度嘅朱古力餅同葡撻都好好味,契女愛上咗食葡撻😂。契女仲可以自己夾熊仔糖食,我哋兩個累到唔想郁,就派個任務俾佢,叫佢自己試吓問職員哥哥幫佢夾糖,點知佢一嚟就問哥哥「可唔可以幫我夾熊仔糖?」唔記得咗講唔該、請問😂 哥哥當然好樂意幫佢夾,仲指示只要藍色熊仔糖😂一講完就跑咗返嚟😂仲好叻女記得要多隻杯,抵讚👍🏻 如果想食飽啲,就5:30pm嚟食,仲有麵食添。 食完下午茶我哋想返房休息一陣,點知諗離開又見到個打卡位好靚,我哋又喺度影吓相先。 之後到今晚嘅重頭戲 mezza9 「與廚共饗」自助晚餐,幾年前同屋企人食過一次,已經畢生難忘,今次極力推介閨蜜一齊食,包佢滿意🥰 點解咁推薦?因為佢除咗有無限量嘅海鮮之外,仲可以自由決定用咩方法煮,即叫即煮,夠晒新鮮!例如龍蝦🦞你可以蒜蓉蒸、芝士焗、薑蔥炒、牛油果焗,炭烤、避風塘、好味辣汁,蒸、煎、炒由你話事。成餐飯食龍蝦都食到飽。😂牛油果焗龍蝦喺新口味,超好味呀! 只要有展示嘅海鮮或菜,你都可以自選煮法。大約10分鐘就會送到你張枱,即煮即食夠晒新鮮。 大大隻波士頓龍蝦🦞,隻隻都手掌咁大。超級新鮮彈牙鮮甜。仲有肥美鮑魚,隻隻新鮮爽口。 唔好以為只有海鮮吸引,仲有其他熟食都相當美味。千祈唔好錯過燉湯,好足料。鍾意食日本野,仲有刺身、壽司、茶碗蒸、天婦羅任食。不過我差不多尾聲先行去日本部,差不多收晒了。之前屋企人拎咗好多返枱食。 不過嚟得呢度,緊喺食海鮮為主。 除咗龍蝦、鮑魚仲有大沙白、沙白蜆、花甲、蝦、扇貝、黃腳立、黃花魚、九肚魚、魷魚鬚、白鱔、龍虎斑、石斑魚、螄蚶、一點紅 一樣有8個煮法,清蒸、白灼、鼓汁蒸、蒜蓉蒸、香煎、避風塘、薑蔥炒、美極、鼓汁炒、椒鹽 菜都有唔少選擇,仲有8種煮法。 白灼、清炒、上湯、薑汁炒、魚湯、豆豉鯪魚炒、蒜蓉炒、椒絲腐乳炒。 種類有秋葵、西蘭花、菜芯、涼瓜、芥蘭、勝瓜、唐生菜、娃娃菜、油麥菜 熟食選擇都唔少,蒜香排骨、XO醬西芹炒蝦球、燒肉、燒鴨、石斛燉豬展、椒鹽粟米、香蔥燒鵝粒炒飯、銀芽菇絲燘伊麵、沙丁魚、沙爹雞、雞腿、特色龍蝦包、豬肋骨配燒烤醬、法式龍蝦湯、紅酒燴牛肋條、海鮮意粉、咖哩雞、凱撒沙律、其他沙律、葡式蛋撻、腰果酥、蜜汁叉燒酥。 飲品有菠蘿賓治、港式凍奶茶、苦瓜檸檬茶、蘋果蜜桃茶、杞子龍眼水、各式汽水等等 無論幾飽都有第二個胃食甜品。呢度嘅蛋糕真係好香滑,好正。仲有Tiramisu、心太軟、橙皮朱古力撻、季節蛋糕、焦糖椰皇布甸、椰汁珍珠紫露,最後食埋海鹽焦糖軟雪糕,好滿足。 多野食到咁,絕對超值。仲要款款都好美味。 呢間餐廳要提前半年預訂,真係Full得好緊要。 今次好彩有特別安排先訂到位。 地址:澳門新濠天地君悅酒店3樓 自助晚餐時間:18:00 - 21:00 成人價錢:MOP$699;小童價錢: MOP$350 星期五及六 成人價錢:MOP$729;小童價錢: MOP$365 另設加一服務費 著裝要求 端莊便服 好似3月加咗價,訂位時記得問清楚啊! #夏沫遊記 #夏沫環遊世界 #澳門景點 #澳門君悅酒店 @grandhyattmacau @mezza9restaurant #grandhyattmacau #嘉賓軒 #ootdhk #hkootd #女生穿搭 #穿搭日常 #長腿 #longlegs #stylish #香港女生 #打卡 #longlegsgirl #hkinfluencer #hkkol #topcitybites #打卡景點 #澳門打卡 #macau #travelblogger #mezza9 #girlsssstory #澳門美食 #hkfoodies #澳門必食 #澳門吃貨 #美食推薦更多