香港文匯報訊（記者 梁靜儀）黎耀祥宴請星級嘉賓嘆「請客必食18道菜」，陳凱琳揭老公鄭嘉穎請客必備一道菜，又爆仔仔燒賣當正餐食；顧紀筠以招牌菜交換3隻三頭靚鮑，薛家燕開心分享少女時代被追必食菜。

黎耀祥（祥仔）擔任主持，李家鼎（鼎爺）、黃亞保（保哥），及周世韜擔任嘉賓主持。《18道菜》播至第8集，祥仔已帶觀眾食盡18道必食宴客菜，最後兩集正式開始宴客，祥仔邀得圈中好友陳凱琳（Grace）、謝雪心（心姐）、袁偉豪、龔嘉欣、何廣沛、曹永廉及中華廚藝學院課程經理劉惠平聚首一堂大嘆「地道風味宴」，品嘗點心、燒味、港式小炒等平民美食，而第10集更是45分鐘加長版。

一眾嘉賓大談飲食喜好，最愛食叉燒的Grace又分享老公在家請客必備的一道菜：「老公請客一定蒸條魚，代表屋企有親切感，佢請姐姐（外傭）唯一要求係識蒸魚！」育有3名囝囝的Grace，又提及家中小朋友鍾意食蝦餃及燒賣：「我啲小朋友最鍾意食燒賣，燒賣當正餐咁食！」另一位嘉賓心姐則公開了與師傅白雪仙、任劍輝兩大粵劇名伶的小故事：「以前銅鑼灣避風塘有好多艇，又有炒蜆好多嘢食，那時好幸福，仙姐、任姐逢星期日就帶我們坐遊艇出海玩。」她指出完海後會入避風塘的艇家開餐，若碰上有艇掛了三四個紅燈籠，則代表可即場點唱，邊聽歌邊嘆美食，至今回味無窮。

最後一集，18位頂級名廚齊集中華廚藝學院，炮製「請客必食18道菜」，該場「超級盛宴」邀得馬時亨、曾志偉、薛家燕、顧紀筠（顧老闆）、鄭丹瑞、王英偉、周中等識飲識食貴賓，聯同祥仔、鼎爺及保哥等暢談請客之道。家燕姐少女時代乏追求者，祥仔問她可有裙下之臣請食鮑參翅肚，家燕姐笑謂：「後生時啲人請食西餐，約我就係想Candlelit（燭光晚餐）。」家燕姐品嘗「胡椒忌廉汁虎蝦球」時又搞笑謂：「同我一樣，啖啖肉。」

另嘉賓們享用「吉品鮑魚扣遼參」期間，顧老闆分享了一件搞笑事：「有朋友到我屋企食飯，佢好鍾意食我屋企炒的宮保蝦，有一日佢攞3隻三頭鮑魚來，但只係食宮保蝦畀晒鮑魚我（食）。」嘉賓們聽畢也嘩嘩聲。