裝修前記得諗定電掣位，計好用電量，整體佈局規劃得好，安全得嚟又慳錢！ 

需要幾多插蘇/電掣位？ 

將屋企每個獨立空間嘅四邊都規劃一組電掣位，好似對角線咁。建議列出每個空間（1）電器數量同種類、（2）用電量、（3）電器位置。 

睇電器，數廚房電掣 

廚房電掣好易唔夠用，建議先統計要「長插」嘅電器，例如電磁爐、洗衣機、抽油煙機等，再預留2至3個電掣備用。 

用獨立插座？ 

要視乎電器耗電功率決定，電器上或說明書會顯示各項標記，用家須計算電器額定耗電量嘅總和，例如喺下圖中，三樣電器嘅總承載功率為4180W，而一般家用13A插蘇同拖板最大承載功率係： 13A x 220V(香港固定電壓)=2860W，如果下圖三款電器共用插蘇或拖板就好易即燒保險絲，一旦冇保險絲，更會有過熱起火的危險。因此，大型電器如洗衣機、雪櫃、電磁爐屬於較大秏電功率，係需要獨立電掣同插座㗎！