連詩雅陳家樂結婚一周年即將升呢父母 拍節目撻着維持兩年地下情
撰文:董欣琪
出版:更新:
連詩雅(Shiga)與陳家樂(Carlos)在去年4月24日舉行婚禮,今日(24日)適逢兩人結婚一周年,連詩雅在IG曬出婚禮當日的靚相,慶祝這個大日子,她寫道:「A year ago today❤️眨吓眼就過咗一年,好似係尋日嘅事,緊張咗一整日,事前好多嘅功夫,但係望返轉頭,覺得係個一世都會記得嘅回憶。轉下眼我哋將踏入另外一個身份,希望一切都順利,一家人開開心心,身體健康,繼續互相包容,互相愛護,一齊成長🥰Happy 1st Anniversary @carlosbb」
連詩雅與陳家樂在2020年被爆因合作拍攝TVB旅遊節目《12個夏天》而擦出愛火,雖然兩人未有正面回應緋聞,但就多次被撞見拍拖行街,更公然在社交平台打情罵俏,頻頻放閃。直至2022年6月陳家樂向連詩雅求婚成功,地下情亦終於修成正果,兩人去年4月正式拉埋天窗,今年2月更宣布造人成功,新婚未夠一年即傳來喜訊,幸福滿瀉!懷孕後仍繼續工作的連詩雅,早前曾在IG公開「返工mode」同「放工mode」的近照,可見她手腳依然纖幼,完全是「肥B唔肥人」,絕對是最美孕婦!
+23