《食腦喪B》進入結局周， #喪B #余陽光 Matthew Ho 何廣沛 食腦後遺症開始湧現，除咗記憶變差，腦中仲會不時閃出之前所吃嘅大腦記憶，身體亦開始不受控制。噚晚（10日）劇情講述喪B、#莫笑春 #江嘉敏 一齊去露營，點知喪B突然被 #戴雄蒲 張彥博 記憶控制，失控襲擊笑春，以為自己失控殺人嘅喪B唔忍心見到笑春死去，最後決定將笑春變成喪屍。

劇情另一焦點，落喺 #史葛 #黎振燁 兒子 #Stan #劉宸熙 身上，患有罕見病嘅Stan病情急轉直下，Stan最後心願係離開醫院到沙灘看日落，相當催淚。宸熙雖然年紀輕輕，但已十分好戲，劇中臨死前他以痛苦的表情說出：「爸爸，點解我愈嚟愈痛。」、「我係唔係會死？我唔想死呀！」，而Stan係劇中重要人物，係引發喪屍圍城嘅關鍵。

現年10歲嘅宸熙演出經驗相當豐富，曾參演《她她她的少女時代》、《十月初五的月光》、《換命真相》等劇集，喺《BB來了》佔戲份不少，其中一場爆喊戲更演得相當出色，令人印象深刻。舊年播出嘅《星空下的仁醫》，同視帝鄭嘉穎有不少對手戲，完全無怯場。

《食腦喪B》逢星期一至五晚8點半於翡翠台播出

#食腦喪B #結局周 #喪B #余陽光 #stan #何廣沛 #江嘉敏 #劉宸熙