《不如食豪D》由陸浩明（6 號）、名廚楊尚友（Christian）主持，今晚（1日）同明晚（2日）播出的兩集由國際級武術指導林迪安兼演員同囡囡林沚羿（Venus）擔任嘉賓。Christian不會待慢，預備了史上最貴親子炸雞（炸雞配魚子醬）、「教我如何不咬他之一腳傾城」（烤帝王蟹腳配魚子醬香檳汁），讓二人大飽口福。

連環爆金句

外表兇神惡煞的林迪安，不單是一名慈父，而且非常詼諧。在搞gag方面，讓素有「爛gag王」稱號的6號甘拜下風。序幕由6號問起兩父女互相稱謂開始，林迪安一臉認真說︰「其實Venus叫我，有個專稱日本名『淋巴暢通』，因為佢成日叫我『林爸』，我話淋巴梗係要暢通，唔好塞啦。」金句一浪接一浪，當Christian教授炸雞秘訣，在於先用大火，後再收細，林迪安爆出金句︰「『大先』好緊要，我哋年尾咪成日去黃『大仙』還神……」6 號這次不甘示弱，即場回贈︰「人哋問你啲嘢使唔使、要唔要呀，我話『唔洗』驚污糟。」薑始終是老的辣，林迪安為烤蟹腳命名為「教我如何不咬他之一腳傾城」，菜名充滿電影感，6號最終投降認輸說︰「真係估唔到迪安哥下一句講咩。」

當不成打女

節目中，Venus被問到會否傳承父親衣缽當打女時，Venus認真的說︰「其實有諗過呢樣。入咗行，啲人覺得我好打得，但係由細到大，成日探爹哋班，佢亦試過教我一兩招，我真係無乜武打天份。」林爸爸表示每趟開戲前，也會安排訓練，囡囡差不多每次也參加，但明顯沒有這方面天份。雖然囡囡武打天份，林迪安仍不忘展現父愛，為 Venus打氣說︰「阿女放心去做夢啦，老竇會支持你嘅，I love you。」