好多男藝人都怕結婚後，因為家室所累而難討觀眾歡心。然而TVB呢四位男星，無懼曝光機會，經常在網上大曬幸福家庭相，顧家形象更加討喜，所以深受TVB寵愛，密密有劇拍！
登入 瀏覽本網站，可獲取積分換領專屬優惠
張頴康
說起圈中模範老公兼爸爸，張頴康必定榜上有名。兩人初相識時，康仔仲未成名，但Angie被他的主動和真誠打動，開始拍拖。康仔事業失意時，當時仍為女友的Angie百分百支持佢，陪佢一齊慳家，令康仔認定佢就係此生唯一。
張頴康深明「女人係要氹」的道理，曾言「就算結咗婚生咗小朋友更加要氹」，無忘記老公責任，值得男士們學習。
張頴康常常公開冧老婆，今年初二人相識十周年，他主動多謝老婆為他誕下兩名小寶貝，令他的人生更美滿。
即使是簡單一餐晚餐，在張頴康眼中都很有愛！他說：「連續幾日外景喺出面凍到雪條一樣，今晚返到屋企，老婆一個人去買哂啲雞煲呀火鍋料呀等我番嚟打邊爐！我個人即刻暖哂！我講緊嘅唔止係體溫，直情係暖到入心！我愛你」好閃呀！
IG太多張頴康湊仔兼同女兒小豆玩樂的相片，為他冠上「湊仔公」之名，絕對當之無愧！
他更扮到不情願地湊仔：「人生真係好無奈，明知呢個係搶咗我老婆嘅情敵都仲要孭住佢！小花生，你好嘢，我前世欠咗你嘅！不過我甘願咁做，唉！！！」其實就是個兒子控！
黎諾懿
從《愛回家》神之馬壯，到《不懂撒嬌的女人》賤Han，以至《BB來了》任新手爸爸，黎諾懿一向俾人大細路、唔定性的感覺。但其實私下他非常愛妻，面對兒子小春雞天當堂變咗暖爸。
翻睇黎諾懿的IG，不時大曬一家三口全家幅，大時大節好識做，會送花俾老婆李潔瑩感謝她的照顧。
在老婆面前，黎諾懿偶爾都有可愛扮鬼扮馬的一面，會大玩四格表情照。
他曾公開多謝老婆：「多謝妳陪我度過七個年頭的生日，多謝妳悉心照顅，待我可專心工作，老婆，我愛妳。」
雖然有咗小春雞，但他還是會盡量抽時間同老婆過二人世界。
▲黎諾懿一家三口好幸福！
在老婆眼中，黎諾懿就像個大細路一樣，同小春雞無異。
徐榮
徐榮快將與老婆踏入結婚12周年。除咗12歲大仔外，自從囡囡徐心怡（包包）出世後，一家四口的幸福生活再受到關注。
結婚12年，在不少人眼中徐榮和老婆都已經係老夫老妻，不過徐榮仲會同佢去旅行，感情深厚。
徐榮老婆雖然是圈外人，身形無女星咁索，但化妝後都係一名靚太，連老公都要貼上嚟分享！
同老婆去shopping，擔擔抬抬的工作當然由他一手包辦！睇老婆笑得幾燦爛，就知佢對老公有幾滿意。
▲徐榮都係仔女控，囡囡包包更因拍攝《愛回家》為人熟識。
今年父親節，徐榮同兒子一同拍攝父親節節目《爸爸的告白》，一同敞開心扉分享父子情，關係如同兄弟一樣！
胡諾言
胡諾言於2009年同太太陳琪結婚，今年已踏入9周年！結婚周年紀念要開工，但太太毫無怨言，更加唔介意食麥記慶祝，連胡仔都分享話「食乜嘢無所謂，最緊要係同邊個食」仲公開多謝「胡C9」，sweet到爆！
老婆都非常識做，周年紀念當日到TVB探班，更話「9週年嘅慶祝活動，沒有花，沒有燭光晚餐，沒有驚喜！……不過我可以陪伴佢在工作中渡過，我知道男生總是將工作放第一位。我可以做他的小粉絲，在現場支持他，是我最大的幸福。」
胡仔非常愛錫三名仔女，細仔知佢要離開香港工作，嬲嬲豬樣子讓胡仔立即抱抱錫返。
▲細仔出世時，胡仔陪入產房見證小生命。
陳琪都係甜蜜老婆，曾挨住胡仔話「謝謝你的肩膊，我要一世咁樣靠住」，感情深厚令人羨慕！