【官宣】迪薩比執教白禮頓　迎地獄賽程

最強博彩盤路過關神器《串績王》：http://win.on.cc/football/　

英超球會白禮頓周一(19日)凌晨宣布，意大利籍教頭迪薩比正式簽約4年，將會取代轉教車路士嘅樸達成為球會新帥。迪薩比嘅英超之路唔易行，頭2場賽事就係作客利物浦同主場對熱刺，喺世界盃前仲要對曼城、車路士以及英聯盃對阿仙奴，絕對係一大考驗。

43歲嘅迪薩比喺2018年至2021年執教薩斯索羅成名，佢為呢支小型球會注入控球踢法，連續2季意甲第8名成績已經超額完成，呢個亦係白禮頓今季嘅目標。迪薩比上季執教烏克蘭勁旅薩克達，但因「俄烏戰事」爆發，今年7月份提前解約，令白禮頓可以順利同佢簽約4年。

白禮頓主席布隆表示：「好開心迪薩比願意加盟，佢嘅球隊踢出令人興奮同刺激嘅足球，我好有信心佢嘅戰術好適合白禮頓現有球員。」白禮頓今次招攬迪薩比同佢嘅意大利教練團隊，全部都需要申請工作證，不過英超依家國際賽休戰，喺下場對利物浦前有足夠時間完成手續。