【Now.com】「紅衫魚」蘇韻姿今（9日）天中午在個人社交平台發布參選港姐時的申請照片，配上千字文正式宣布完約無綫，表示準備跳出舒適圈迎接新挑戰。文中蘇韻姿更一一向公司高層道謝，當中包括被指下令「雪藏」她的曾勵珍（珍姐）。
蘇韻姿今（9日）天在個人社交平台正式宣布離開已效力8年的無綫電視，指自己在8年間成長許多，亦幸運遇到很多愛錫她嘅人，而現在是時候要跳出舒適圈，接受新挑戰。蘇韻姿又在文中續一多謝公司高層，包括曾勵珍（珍姐）、樂易玲（樂小姐）、曾志偉，和一眾曾合作的導演監製。
其中致謝文以被指下令「雪藏」蘇韻姿的珍姐為首，去年有傳蘇韻姿因態度差及遲到問題，得罪珍姐因而被「雪」，更失落繼續參演《愛·回家》劇集的機會。蘇韻姿未有在文中提起事件，反而感謝珍姐給予她出演熊心如一角的機會，讓她「入屋」，亦多了不同的工作機會，寫道：「我會好好緊記你教我嘅一切。」
致謝文的尾段，蘇韻姿多謝「熊家人」，表示自己隻身回港加入娛樂圈，在香港沒有家人陪伴，幸得「熊家人」讓她有家的感覺，稱自己會記住與台前幕後一起渡過的美好時光。
蘇韻姿在2016年參加香港小姐競選，以殿軍身份入行，翌年便因飾演處境劇集《愛·回家之開心速遞》熊家三女兒熊心如（紅衫魚）一角而為人熟悉，其後亦因此角色獲得多次「萬千星輝頒獎典禮」最佳女配角及飛躍進步女藝員獎項提名。
蘇韻姿貼文全文：
依家係時候要跳出自己嘅舒適圈，接受新嘅挑戰啦。
不經不覺嚟咗香港八年，我已經成長咗好多，學到好多嘢。喺呢一度遇到好多錫我嘅人，實在係好幸運。
首先要多謝珍姐，喺我一個人嚟到香港嘅時候，俾機會我演熊心如，令到我喺香港都可以有一個家。亦都令到多左人認識我、有不同嘅工作，學到好多中文。多謝您咁多年嘅教導栽培。我會好好緊記你教我嘅一切。
多謝樂小姐，由選美到入行，一路都好照顧住我，教我點樣做好一個藝人。仲有Management嘅同事，多謝你哋一直嘅照顧及幫忙，我會加倍努力！
多謝志偉哥！ 你嘅指導，加上鼓勵，令到我發現自己可以有好多可能性。我會keep 住你俾我嘅正能量。
多謝監製祥哥！喺拍攝愛回家呢幾年嘅鼓勵、你對拍戲嘅熱情、創作力，有直啟發我，真係好榮幸能夠同你合作！
多謝監製佳導，俾個好好嘅機會我參與黑色月光，令到我見識多咗，學咗好多嘢，非常期待套劇播出！
仲有好多謝俾機會我嘅綜藝監製們，我知道自己嘅經驗少，所以感激你哋信任，俾我去嘗試不同嘅工作！
多謝熊家人，冇家人喺香港嘅我，感恩有你哋就有家嘅感覺。
最後要多謝關心同錫我嘅台前幕後朋友仔！等緊埋位，或者收工嘅時候都會同大家一齊傾偈。我會記住一齊渡過過嘅美好時光！
相信喺未來大家一定能夠再遇到，亦都想藉呢個機會衷心祝福所有朋友，能夠在自己嘅舞台上發光發亮。
