【Viu】MIRROR噚晚為保險公司Annual Dinner表演完，姜濤、Anson Lo同Stanley今朝繼續馬不停蹄開工，為品牌進行拍攝工作，吸引大批Fans晨咁早迫爆3層商場，仲著晒燈牌應援，叫聲震天！
雖然收夜開早，三子依然精靈活潑，不斷向Fans揮手示好，影相拍片時仲Chok行個靚仔樣，睇到全場Fans都心心眼呀！期間「電眼撈」無限上線，邊行邊同神徒講「辛苦晒」，冧爆！
講到姜Admin喺Do姐訪問揚言要同大表哥搞婚禮，笑問「大表姜」婚禮進度如何？姜姜即捉住大表哥手仔想合體派心，可惜依然被無視，臨走時又搭實Stanley膊頭勁痴纏，so sweet！
