本尊就位|孔德賢克服畏高飛撲落地 區明妙鍾情清純長髮民初造型 新劇《本尊就位》噚晚(29日)播出首集,劇情講到「神棍」陳木昆(Danny Hung 孔德賢 飾)聲稱可以請到呂祖(呂洞賓)上身為村民指點迷津,實則只係靠偷聽善信禱文先如此「靈驗」。日積月累下木昆為呂祖廟惹嚟唔少閒言閒語,仲驚動天上嘅呂洞賓( 謝東閔 飾)下凡「講數」,點知途中殺出吼天犬引發「仙犬大戰」…… 另一邊,呂祖廟發生少女譚姑娘( Uki Law 羅雪妍 飾)離奇浴血事件,受咗賄嘅木昆原本同富二代利厚德(謝可逸飾)勾結企圖幫佢脫罪,點知木昆良心發現臨時「改口供」致厚德入獄,利老爺(煒烈飾)盛怒下將木昆綁上「懲罰風箏」一飛冲天,令木昆「飄」至五房族鎮;與此同時,五族房鎮疑似有山妖作亂,就喺眾人盛心祈求呂祖出手捉妖之際,木昆拖著失蹤人士現身,因而被誤當真神仙。 其實孔德賢喺首集相當忙碌,除咗「偽扶乩」時反白眼、打冷震同埋要朗讀古詩外,仲要凌空整個人撲向飾演花魁白雪花嘅陳嘉慧,之後又要孭著陳嘉慧通山跑,絕對係體能大考驗。講到扶乩戲份,Danny坦言事前有專誠搵道士學:「我托朋友幫手搵咗間道館,再向嗰度嘅道士了解到底做呢啲儀式係點,佢亦都親自示範咗一次畀我睇。至於打冷震同反白眼,係我自己加上去,因為想突顯番呂祖上身嘅劇情。」講到「偽扶乩」場口要唸大量古詩,Danny笑言:「好好彩我以前係綜藝出身,做主持工作要背好多稿,同埋我以前好鍾意背中史,背書都OK,拍嘅時候導演都好驚訝我咁長嘅對白都背到。」 至於「懲罰風箏」嗰一幕,Danny話係劇組事先幫佢度身訂造,仲透露拍攝「飛天」場口好難忘:「因為係喺廠嘅綠幕度拍,呢個經驗對我嚟講好新鮮,同埋嗰日吹咗好耐風扇扮喺天度飛好搞笑。」至於「從天而降」一幕,Danny坦言某程度要克服心理障礙:「我一去到現場,導演同武指就叫我陣間要喺棵樹度跳落嚟,因為我本身好驚玩機動遊戲,對於高空嘢係非常之驚,咁我當時都唯有頂硬上。其實呢個動作真係都幾高難度,因為我要跳落嚟再直接瞓落陳嘉慧度,好彩兩個都冇受傷,武指指導得好好。」 噚晚另一個亮點,係飾演「琵琶仔」蝴蝶嘅區明妙,身世可憐嘅蝴蝶,未成年就被賣到妓院,之後喺雪花幫忙下企圖逃離妓女生涯;可惜逃亡期間一波多折,仲遭山妖「活捉」。妙妙話鍾意劇中長髮造型:「因為細個都好鍾意睇啲仙俠劇,鍾意裏面啲長髮造型,印象中今次個造型冇試好耐,因為個角色比較貧窮,所以造型比較簡單。」據知妙妙除咗長髮少女Look,之後仲會以成熟鬈髮旗袍Look亮相,不過妙妙笑言未有為旗袍Look而刻意節食:「之後嘅旗袍造型就會比較成熟少少,好彩啲旗袍唔算超級貼身,所以都冇特別減肥。鬈髮造型最難忘應該係每次開工要戴頭套,之前多數都係時裝劇,好少要戴頭套,加上我頭髮本身比較多,所以長時間戴住都會有少少唔舒服。」 《本尊就位》逢周一至五晚8:30翡翠台播映 #本尊就位 #神棍 #呂祖 #呂洞賓 #孔德賢 #謝東閔 #陳嘉慧 #樊亦敏 #甄采浠 #區明妙
本尊就位|孔德賢克服畏高飛撲落地 區明妙鍾情清純長髮民初造型 新劇《本尊就位》噚晚(29日)播出首集,劇情講到「神棍」陳木昆(Danny Hung 孔德賢 飾)聲稱可以請到呂祖(呂洞賓)上身為村民指點迷津,實則只係靠偷聽善信禱文先如此「靈驗」。日積月累下木昆為呂祖廟惹嚟唔少閒言閒語,仲驚動天上嘅呂洞賓( 謝東閔 飾)下凡「講數」,點知途中殺出吼天犬引發「仙犬大戰」…… 另一邊,呂祖廟發生少女譚姑娘( Uki Law 羅雪妍 飾)離奇浴血事件,受咗賄嘅木昆原本同富二代利厚德(謝可逸飾)勾結企圖幫佢脫罪,點知木昆良心發現臨時「改口供」致厚德入獄,利老爺(煒烈飾)盛怒下將木昆綁上「懲罰風箏」一飛冲天,令木昆「飄」至五房族鎮;與此同時,五族房鎮疑似有山妖作亂,就喺眾人盛心祈求呂祖出手捉妖之際,木昆拖著失蹤人士現身,因而被誤當真神仙。 其實孔德賢喺首集相當忙碌,除咗「偽扶乩」時反白眼、打冷震同埋要朗讀古詩外,仲要凌空整個人撲向飾演花魁白雪花嘅陳嘉慧,之後又要孭著陳嘉慧通山跑,絕對係體能大考驗。講到扶乩戲份,Danny坦言事前有專誠搵道士學:「我托朋友幫手搵咗間道館,再向嗰度嘅道士了解到底做呢啲儀式係點,佢亦都親自示範咗一次畀我睇。至於打冷震同反白眼,係我自己加上去,因為想突顯番呂祖上身嘅劇情。」講到「偽扶乩」場口要唸大量古詩,Danny笑言:「好好彩我以前係綜藝出身,做主持工作要背好多稿,同埋我以前好鍾意背中史,背書都OK,拍嘅時候導演都好驚訝我咁長嘅對白都背到。」 至於「懲罰風箏」嗰一幕,Danny話係劇組事先幫佢度身訂造,仲透露拍攝「飛天」場口好難忘:「因為係喺廠嘅綠幕度拍,呢個經驗對我嚟講好新鮮,同埋嗰日吹咗好耐風扇扮喺天度飛好搞笑。」至於「從天而降」一幕,Danny坦言某程度要克服心理障礙:「我一去到現場,導演同武指就叫我陣間要喺棵樹度跳落嚟,因為我本身好驚玩機動遊戲,對於高空嘢係非常之驚,咁我當時都唯有頂硬上。其實呢個動作真係都幾高難度,因為我要跳落嚟再直接瞓落陳嘉慧度,好彩兩個都冇受傷,武指指導得好好。」 噚晚另一個亮點,係飾演「琵琶仔」蝴蝶嘅區明妙,身世可憐嘅蝴蝶,未成年就被賣到妓院,之後喺雪花幫忙下企圖逃離妓女生涯;可惜逃亡期間一波多折,仲遭山妖「活捉」。妙妙話鍾意劇中長髮造型:「因為細個都好鍾意睇啲仙俠劇,鍾意裏面啲長髮造型,印象中今次個造型冇試好耐,因為個角色比較貧窮,所以造型比較簡單。」據知妙妙除咗長髮少女Look,之後仲會以成熟鬈髮旗袍Look亮相,不過妙妙笑言未有為旗袍Look而刻意節食:「之後嘅旗袍造型就會比較成熟少少,好彩啲旗袍唔算超級貼身,所以都冇特別減肥。鬈髮造型最難忘應該係每次開工要戴頭套,之前多數都係時裝劇,好少要戴頭套,加上我頭髮本身比較多,所以長時間戴住都會有少少唔舒服。」 《本尊就位》逢周一至五晚8:30翡翠台播映 #本尊就位 #神棍 #呂祖 #呂洞賓 #孔德賢 #謝東閔 #陳嘉慧 #樊亦敏 #甄采浠 #區明妙