上星期日〈尋找家香情〉出街後,收到唔少feedback都話好好睇,兼睇得出製作認真,當然話主持做得好嘅説話我就唔多提喇。第一集嘉賓~波多野裕介(Yusuke)出場後,有好多人都同我講睇完之後發覺原來香港有咁多臥虎藏龍嘅外國人。波多野又真係幾叻仔㗎,嚟到香港識得因應香港嘅優越條件,努力工作好好發揮自己嘅才華,喺自己嘅音樂領域中屢創佳績。認識佢時間雖短,已經覺得佢為人樂觀、態度認真,佢樂天嘅性格令身邊嘅人都好舒服,難怪佢嘅所有工作夥伴都對佢讚不絕口。拍攝期間,喺佢嘅studio同佢jam咗一首歌,雖然冇剪到出街,但係呢個過程已經令我樂透。Yusuke,你要繼續加油,繼續代表我哋香港做更多創作,攞更多獎項!~奸爸爹