拍MV豁出去！許志安赤膊被鹽糖醃面

歌手許志安（安仔）日前為新歌《靈魂道》拍攝MV，歌曲由Supper Moment包辦作曲作詞，講述人死後究竟有甚麼值得留戀與反思。安仔坦言，由於歌曲提到人生，主題比較嚴肅，所以當收到導演對MV的拍攝要求，自己也決定豁出去：「今次同一位年輕新導演合作，佢想表達人嚟自泥土，再以四季天氣代表人生，我覺得呢個構思好貼題，我要喺MV化四個唔同嘅妝代表春夏秋冬。雖然用咗好多時間化妝，但我認為好值得。」

唔怕冷親

安仔躺着拍攝整個MV，為了表達人土合一的效果，還要赤膊上陣，他笑言：「許志安除衫唔再係賣點，今次MV嘅賣點係特技化妝效果，同後期嘅CG特效製作。」當日氣溫急降，在場的工作人員擔心安仔會冷親，除關上所有窗戶及冷氣外，還幫安仔蓋衣服，反而當事人無有怕，只怕蓋着衣服會阻礙化妝師化妝。

甜鹹油苦乜都有

至於代表四季的妝容，以冬天的化妝最複雜，安仔要先在睫毛黐上粗鹽，接着在眉毛鋪上幼鹽、粗鹽、爽身粉、糖，營造結冰效果，最後安仔還要在臉上和身上掃上爽身粉扮雪粉。一直閉上雙眼躺着的安仔，看似很舒服，但不斷被鹽糖醃面多個小時，其實有苦自己知，他謂：「仲要鋪咖啡粉喺身上面扮泥土，另外化妝師要將油、凡士林溝水，再滴喺我塊面造水珠效果，所以當日我上半身，甜、鹹、油、苦乜都有。」

快將出新碟

新歌《靈魂道》是安仔的新碟第三主打歌，新碟預計將於2017年一月中推出，安仔說：「唱片名啱啱諗好啦，因為今次同四隊Band合作，包括Supper Moment、Dear Jane、RubberBand、觸執毛，佢哋合共17個人，加埋我啱啱18個，如果每個人代表一安士，加埋就係18安士，所以新碟名就係《18安士》。」

__________________________

想聽歌？想睇MTV？想了解本地Indie Band資訊

快啲click入「聲大夾樂」專頁： http://on.cc/musicon