點新聞 ｜ 每日點新聞 點解香港事

靠黃上位嘅奀星阮民安，日前在社交平台自爆已經去咗英國，不過呢，就附上patreon 網上眾籌戶口連結，叫「手足」課金養起佢一家英國生活。不少同路人睇唔過眼，前「民陣」召集人的陳皓桓就喺社交平台發文，篤爆阮民安家住九肚山好富貴，話「何必patreon一個住到九肚山嘅阮民安呢」。

阮民安日前請求「手足」支持其patreon頻道，幫助佢喺英國繼續發展事業，收費分別為13.5美元、65.5美元、651美元。而呢件事，就刺激到陳皓桓喇，陳皓桓在帖子寫道：「我會話好多人值得patreon，何必patreon一個住到九肚山既阮民安呢」，仲話因為阮民安無得罪佢好多，已經忍咗手㗎啦。

之後，陳皓桓在留言強調有事實根據，「佢自己同我講嘅」、「有啲『手足』去過佢屋企嘅，佢哋都可以做證」，仲話「我人格擔保，佢(阮民安)人格有問題」。

不少同路人在帖文留言揶揄院民安，「 傻Ｘ咗呀？$5,110？不如話比晒成副身家佢啦」、「一開口就叫人join patreon 就已經好Ｘ街，仲要懶秘密咁話國安收買佢」、「明明有手有腳，成日問人攞錢，正正經經咁做人唔得嘅，係都要偷呃拐騙」、「捐畀佢，佢拎啲錢去馬會，咁我不如直接捐比馬會？」

唔知係咪知自己食水深冇人肯課金，阮民安已經取消咗651美元方案，有人謿諷「 應該之前真係好多人支持畀錢，所以先咁大膽開5000,點知貪得滯宜家被圍剿咪又縮下囉！」