MIRROR連環爆不幸事件 姜濤悼故友情緒低落 Anson Lo失聯24小時

【星島日報報道】MIRROR成員姜濤、Anson Lo及Jer兩日內爆發連環不幸事件，其中姜濤更因思念故友疑情緒欠佳，幸得到ERROR的肥仔（梁業）和Dee代他「報平安」，令鏡粉放下心頭大石！

文：娛樂組

姜濤為悼念今年4月離世的摯友「中鋒」Kin而推出的新歌《Dear My Friend》今日首播，前一晚他感觸地在社交網以黑圖連發12文，訴說對好友的思念！期間姜濤hastag好友名字、以「白癡仔」的親暱叫喚對方，留言句句令人動容，而其中一段更寫到「最近呢真係有啲攰，可能係同身邊嘅人相處得唔係太好，可能係外界成日攞我啲嘢去講，可能係對之後要做嘅事冇乜太多信心……」，令人擔心其情緒。

阿Dee肥仔代報平安

幸好隨後ERROR好友阿Dee貼出了姜濤為他親手做、灑滿金箔的蛋糕，片中的姜濤笑容滿臉在品嘗自己的手藝、還夾硬向聲稱要減肥的Alton餵食；而肥仔亦上載與姜濤及一班舞蹈員，開心大跳姜濤偶像羅志祥的招牌「光速舞」，為他另類「報平安」！

Anson Lo因手機日前突然失靈，被逼與「神徒」失聯24小時，不過體貼的他隨即發文解釋，以免大家擔心，手機修復後更上載嘟嘴萌爆照向「神徒」報告，盡顯暖男本色。就連Jer柳應廷也出意外，在限時動態寫下：「唔見晒身分證、信用卡、銀行卡、八達通，崩潰WOW……」似乎遺失了銀包！

■姜濤痛失摯友「中鋒」，今次新歌是為對方而作。

■姜濤在社交網連環發文表達對好友的思念。

■阿Dee分享姜濤的開心照片，代他報平安。

■姜濤強餵減肥中的Alton食蛋糕。

■Anson Lo失聯24小時，隨即以嘟嘴萌照冧粉絲。

娛樂