【獨門秘技】韋達最愛省招牌

希威森今季重臨只勝一匹韋廐「八心之威」，韋達亦為最支持騎者練馬師，今期6匹坐騎其中4駒出自韋廐，半冷門可博「對衡之星」。

第8場四班1200米，「對衡之星」由蘇保羅馬房來投，眾所周知馬房較慢熱，今季初出兩仗走勢其實不差，但之後轉谷草兼增程跑一哩，上仗又試跑泥地，經常轉換路程難適應，今仗轉投韋廐，初出即安排跑兩度得殿軍最有根據的路程，志不在小，埋門試閘輕催有反應，埋門韋達再親試兩課，重視有加，今季轉韋廐初出馬7駒1冠2亞，都係屬於急進型，5歲馬負117磅全場最輕，受讓同場多匹3及4歲馬有着數，有力偷襲。■西門獨