【裝修佬】大家買坐廁的時候，通常都會問一句要高咀、低咀還是自由咀，究竟這是什麼意思呢？
高咀
所謂高咀，係指座廁嘅去水位的中位，離地１８０ｍｍ（即６吋）左右，現時市面上絕大多數嘅樓宇設計都係高咀，由於現時接駁座廁嘅出水位係可以用一種名為〔風琴喉〕嘅物料，所以就算原有大廈屎渠去水位係低位，都係可以用高咀座廁。
低咀
所謂低咀，係指座廁嘅去水位的中位，離地１００ｍｍ（即４吋）左右，沖水，通常比較舊式，大約樓齡已有３０年嘅樓宇，大喉（屎渠）去水位比較多為低咀式設計．現時市面上低咀座廁嘅款式為數不多了。如果買咗低咀座廁而去裝一個高去水嘅去水喉，日後會影響排水，所以唔好買低咀座廁去裝高去水位嘅大喉！
自由咀
所謂自由咀，係座廁出水位向內縮入咗，因此有足夠空間俾師傅駁長去水喉來接駁大廈嘅大喉位，所以高論是高去水，低去水，甚至是地去水，自由咀都可以應用到。
