Hindi naman daw masasabi ni Sunshine Cruz na unlucky siya pagdating sa pag-ibig.
Dalawa na kasing seryosong relasyon ang hindi naging matagumpay sa aktres.
Una na rito ay sa ex-husband niyang si Cesar Montano. Pangalawa ay sa boyfriend niya of almost six years na si Macky Mathay.
Read: Sunshine Cruz grateful to have Macky Mathay and 3 additional angels in her life
Pahayag ni Sunshine kay Karen Davila sa vlog ng broadcaster na lumabas kagabi, July 13, 2023, “Sa totoo lang, pagdating kasi kay Macky, hindi ko rin naman hinintay yan.
“That time, magpo-four years na akong hiwalay kay Cesar. I was too focused on my children and work.
“I gave him a chance and no regrets naman. He was a good guy.”
Read: PEP EXCLUSIVE. Macky Mathay confirms relationship with Sunshine Cruz: "Yes, yes, yes, yes."
Inamin ni Sunshine na limang araw bago ang sixth anniversary nila bilang magkasintahan noong 2022, napagdesisyunan niyang tapusin na ang relasyon nila ni Macky.
Lahad niya, “Five days bago mag-six years anniversary kami, nakipaghiwalay ako sa kanya. Lock-in taping pa yun.
“Through message, I said na, ‘I don’t think may patutunguhan pa tong relationship so…’”
Parang wala na raw kasing patutunguhan ang relasyon nila.
Paliwanag pa ng aktres, “Nakita ko lang na parang hindi nagli-level up yung relationship. Hindi nagmu-move.
"Don’t get me wrong, he’s a good guy. I love his children.
“Pero siyempre, at this point in my life, I am 45, siyempre parang naghahanap na tayo ng relationship na kahit papano, lumi-level up.
“Hindi yung diretso lang, kasi magsi-six years na parang ganyan [muwestra ng straight line] lang kami.”
September 2022 nang umugong ang balitang hiwalayan ng dalawa dahil in-unfollow ni Sunshine si Macky sa Instagram.
Read: Have Sunshine Cruz and Macky Mathay called it quits?
Pero, naiisip ba niyang magpakasal pa rin balang araw?
Tugon ng aktres, “No. Sa totoo lang, ayoko na, e. Ayoko naman na.
"I’m okay na life-partner kami. Pero yung pagpapakasal, hindi ko na naiisip.”
Pero hindi rin naman daw niya isinasara ang kanyang puso para sa bagong pag-ibig.
Ani Sunshine, “Ang sarap magmahal. Ang sarap kiligin. Ang sarap ng may inspirasyon.
“So, kung may dumating na para sa akin, bakit hindi? Lahat naman tayo ay may karapatan naman tayong mahalin at magmahal.”