【A&M Diary】一開始認識半島冰室皆因呢度係C同事嘅飯堂，住喺北角嘅佢基本上每個weekend都會嚟到呢度醫肚。後嚟半島冰室因為大件夾抵食，加上係良心小店，令到名氣越來越大。雖然每次經過都會俾佢嘅人龍嚇怕，但今日我哋決定成為人龍嘅一份子，試試呢間人氣熱點：半島冰室。
半島冰室嘅餐牌簡單，選擇唔多，除咗型男餐、索女餐、頭等餐同商務餐等招牌套餐之外，佢嘅午餐Menu每兩日會轉一次，以保持新鮮感。
蔥油豬扒飯
豬扒厚切，仲要煎得好香！不過重點唔係喺豬扒度，因為佢哋嘅蔥油真係冇得頂，蔥油比例啱啱好，蔥花夠香又爽脆，用嚟撈飯食真係一流。
