【Viu】「豹哥」陳蕾今日決戰100位機友，為以最佳狀態出戰，佢噚日久休復出開live打機，打到凌晨5點！一向喺打機方面好勝心強嘅豹哥，笑話被「仙子」、朋友取笑佢跌出電競界，所以令佢更加有唔輸得嘅決心！
佢又大笑話繼紅館騷後，今朝收到超多朋友嘅打氣message，比起上金像獎舞台表演還要多，好彩最後都保得住「內彎小公主」之美譽，唔止3 round初賽都攞No.1，喺決賽局仍然keep住坐穩冠軍寶座，雖然中間有少少甩碌，簡直係有驚無險！豹哥指遲吓fans meeting都可以效法今次活動，同仙子一齊打機！
新碟《念》已經推出咗，豹哥話意味住要重啟創作旅程，試過喺日本自駕遊嘅佢，呢次想勇闖歐洲，堅呀！另外，提到佢喺金像獎同男神吳慷仁集郵，豹哥即刻紅都面晒，佢哋對話內容係咩？有冇機會合作？想睇活動打機片段？嚟嚟嚟！足本訪問片嚟啦！
