大家對上一次去韓國旅行係幾時？可能係疫情前或者從來都無去過？Plan咗準備去韓國旅行嘅你，仲記唔記得點樣搭車往返仁川機場？唔記得唔緊要，小編就幫大家整合左往來仁川機場嘅交通攻略，幫大家重溫一下！包括機場鐵路AREX、機場巴士及私人包車， 去之前就記得做定功課啦！提提大家，出發之前最緊要記得整K-ETA啊！
韓國仁川機場交通攻略｜機場鐵路AREX、機場巴士及私人包車/的士詳情｜
往返仁川機場交通主要有三種方法， 包括機場鐵路AREX、 巴士同私人包車/的士，小編推介大家選擇機場鐵路 AREX， 因為首爾市內交通係繁忙時間非常擠塞， 搭機場快綫時間比較短，又可以避開塞車， 大家安排時間就可以靈活一點。
機場快線AREX
機場鐵路AREX 提供兩款列車服務，由首爾市區往來仁川機場。營運時間由早上05:20至晚上12:00。從入境大廳跟著指示行到1樓交通中心，可以買飛上車或換領車票。直達列車係橙色月台，而普通列車伋藍色月台，兩邊月台並不相通的，記得睇清楚！
- 直達車：中間不停站，直達終點首爾站，車程大約43至51分鐘左右；每40分鐘左右就有一班車，直達車實行對號入座制度，買飛時可以劃定位，而且座位比較舒適，列車內有洗手間、免費飲用水及Wi-Fi，非常方便。
價格：成人9,500韓元
乘車券購票處：仁川國際機場1樓鐵路服務中心45號窗口 - 普通車：每站都停靠，仁川機場與首爾之間約11個站，車程大約時間59至66分鐘左右。每10分鐘左右就有一班車。雖然中途站比直達車多，但對於酒庄係弘大嘅朋友就相對方便。列車實行自由入座制度，舒適度不及直達車， 但勝在價錢相對便宜，係經濟之選。
價格：成人4,150-4,750韓元，可以T-Money 交通卡付款
▼ 機場鐵路AREX 直達車
▼ 機場鐵路AREX普通車
▼ 機場鐵路AREX 路線圖
仁川機場巴士
仁川機場巴士路線非常之多，適合酒店係明洞及東大門等市區嘅朋友，唔洗拖住行李上落地鐵站。營運時間大約由早上5:30至23:00。不過相對機場鐵路比較貴，每人只可以帶一大一小件行李(多過一件會收額外費用) 。車程時間相對耐，撞正繁忙時間塞車就更加耐！小編揀咗幾架最多人搭嘅巴士編號俾大家參考。
- 6001 (仁川機場 ↔ 明洞、東大門)
價錢：成人17,000韓元，機場到明洞約65分鐘，東大門80分鐘 - 6002 (仁川機場 ↔ 弘大、東大門)
價錢：成人17,000韓元，機場到弘大約55分鐘，東大門80分鐘 - 6015 (仁川機場 ↔ 明洞)
價錢：17,000韓元，機場到明洞約70分鐘
- 6701 (仁川機場 ↔ 明洞)
價錢：成人18,000韓元，到明洞約80分鐘 - 6702 (仁川機場 ↔ 首爾站、東大門)
價錢：成人18,000韓元，到首爾站約85分鐘、東大門95分鐘
▼ Airport Limousine
▼ K-Limousine
私人包車/的士
如果同行人數比較多，又想玩到最後一刻先去機場，包車同的士的確係好選擇。不過韓國的士有好多唔同種類同收費，包車相對比較好，而且不會有語言不通問題。想坐得舒服啲，仲可以選擇唔同車種！
私人包車
私人包車最優勝之處一定係舒適度同時間較彈性，一般私人包車由港幣$500-$700左右，如果人數多的話，仲可以選擇旅遊巴添！如果你嘅航班為深夜至凌晨都只係加少少錢，一早預訂包車，落機就可以輕輕鬆鬆到達酒店或民宿！
▼ 韓國私人包車
韓國的士詳情
| 的士類別 | 服務 | 市區往來機場收費 | 可乘坐人數 |
| 普通的士 (銀色、白色或橙色) | 司機只懂韓語，可載客至全韓國地區 | 7-9.5萬韓元起 | 最多4人 |
| International Taxi (橙色) | 司機會韓、中、英及日語，只載客至首爾地區或來往機場 | 7-9.5萬韓元起 | 最多4人 |
| 模範的士 (黑色) | 司機能以英文溝通，可載客至全韓國地區 | 10-14萬韓元起 | 最多5人 |
| Jumbo Taxi (黑色大型的士) | 較難截車但可預約，提供外語即時翻譯服務 | 10-14萬韓元起 | 最多6-10人 |
▼韓國 普通的士
▼韓國 International Taxi
▼韓國 模範的士
▼韓國 Jumbo Taxi
首爾除左去shopping之外，仲有其他地方去玩，即睇小編推介啦！
▼ 遠眺首爾南山塔！兩間至CHILL天台酒吧？
▼一秒變學生！兩間韓國大熱校服租借店