忙籌備婚禮 阿嬌笑稱屋企樓下影婚照

鍾欣潼（阿嬌）與老公賴弘國定於今年12月在港擺酒，雖然阿嬌忙於拍戲及籌備婚禮，幸好得朋友及同事幫手，已構思好婚紗相如何拍攝，更講笑指落屋企樓下影相也無問題。

阿嬌、賈曉晨（JJ）、余安安及凌文龍昨日在順利邨一間學校出席新片《失蹤》開鏡儀式，阿嬌表示有八年沒有正式拍過港產片，對上一次只是為蔡卓妍（阿Sa）主演的電影《原諒他77次》客串。她預計新片拍攝一個月，豈不是要與老公分隔兩地？她幸福甜笑說︰「佢做完嘢都會返香港。（有無時間籌備婚禮？）搞緊，準備咗一半啦。（影婚紗相未？）未諗到，喺屋企樓下影都得㗎！不過會喺外地影。」

提到阿嬌看來消瘦不少，她自言每次拍戲前都會自然地瘦，並非為婚禮刻意減磅。她又指12月的香港婚宴會避開聖誕節，又指老闆楊受成已包起酒席，更送她一個上海單位做嫁粧。提到造人大計，她坦言必定有設防，因為想先調理好身體才造人。

JJ笑女兒大隻似樊少皇

去年底為樊少皇誕下女兒「小飯兜」的賈曉晨（JJ），今次是產女後首度復出拍電影。JJ開工時一直掛住女兒：「老公返咗內地工作，我開工嘅話就交畀工人照顧。」會否追多個小朋友？她表示等女兒長大一點才計劃造人。「有時我都覺得好內疚，覺得自己做得唔夠好，做咗媽咪之後唔同晒。」她笑言女兒好大隻又白淨，差不多重20磅，似足「力王」爸爸！

採訪︰Pauline

編輯：李潔盈

美術：招潤洪