邵子風炮轟劉燕妮　龍小菌：阻止唔到佢

藝人龍小菌、蘇麗珊、梁琤、楊羚等出席電台劇集的首映會，小菌表示之前有做老師的經驗，對這次在劇中飾演社工有幫助：「因為我教嘅學生都係有呢啲問題嘅，我覺得最緊要有同埋心，貼身處地去為佢哋諗。」問到年青時是否亦有反叛過？她說：「我細個比較怕事，擔屎唔偷食，同埋因為係單親家庭，我都怕自己曳會麻煩到媽咪，所以咩都會自動自覺。」

同人相處要磨合

提到小菌有份參演ViuTV的《G-1格鬥會》已播出，小菌覺得非常好睇，因為首次有這種真實的拳擊節目：「個個女仔都唔理個樣，狗咬狗骨咁打，希望大家欣賞呢個節目。」對於參賽者之間的是非，她笑言自己一直心平氣和，又認為人與人相處難免會有磨合：「我自己就着重於節目所呈現嘅嘢，女仔其實都可以好堅強同好暴力，同埋想做嘅嘢都可以做到！」

重手代表睇得起對手

提到經理人邵子風在社交網站上炮轟劉燕妮（Rika）扮善良，小菌笑說：「佢成日都鬧人，我都阻止唔到佢。」又指Rika之前怪對手在擂台上重手，但她認為重手是必須的：「大家都睇過我食還原靚靚拳啦，有時喺台上面會唔記得自己係邊個，冇得怪責對方，讓你係等於睇你唔起。」她又謂在鐵籠中格鬥，感覺似是在瀕死的邊緣：「我冷汗都標埋出唛。」更提議可以開一個素人版的《G-1格鬥會》。