《玩嘢王》後遺症 馬賽唔敢照鏡

馬賽早前被《玩嘢王》李思捷大整蠱，齊齊扮「撞鬼」嚇她，觀眾睇得過癮，可憐被玩的馬賽卻有後遺症。昨天她與敖嘉年接受新城電台訪問，馬賽坦言現在家中驚到不敢照鏡。

馬賽在《玩嘢王》節目中慘成被玩對象之一，經過嚇鬼大整蠱一役，馬賽現時在錄影廠開工，對突如其來的聲音會特別敏感。她說：「日前返廠拍攝期間突然傳來砰啪一聲，個心即刻嚇一嚇，心諗係咪又拍《玩嘢王》呀？雖然再入同一個錄影廠都唔會驚，反而在屋企睡床上對住塊鏡，起床時會有點驚。」

據知《玩嘢王》最後一集，李思捷將反過來成被圍攻對象，敖嘉年提議叫齊李思捷的緋聞女友上節目整蠱他。另外，《神探高倫布》今晚播大結局，劇集自播映以來收視徘徊低點，惟本周接近大結局，收視似有反彈。敖嘉年自爆他會死，高倫布則會進入馬賽的夢境世界，與梅妹糾纏。敖嘉年又坦言錯過一集就會很難明白，他們希望大結局能拉高收視，為台前幕後的努力平反。

冷氣機穿崩

有網民在劇中發現現代的分體式冷氣機，即時成為笑柄，兩人無奈表示：「好難避，拍攝時已很留意有無穿崩，始終可以拍攝的地方實在太少。」網民的評語是否太狠？馬賽表示只要意見中肯都願意聽。

採訪、攝影：Pauline