今日去大圍行街,約埋阿媽去飲茶🫖
上網搵原來呢度有間老子號嘅茶樓,阿媽話呢間應該開咗好耐㗎啦!門面唔難搵 一睇就睇到一個古色古香嘅裝修
點心都大同小異,不過仲有啲比較懷舊嘅嘢食好似臘腸卷 咖喱蒸鮮魷,而家都唔係周圍有!仲有芝麻卷lol
我見呢間主打燒鵝就嗌咗碟比較抵食嘅燒鵝飯, $68
如圖所見好大份亦都有好多件燒鵝...,有空嘅多肉位置亦都有 肉小皮多肉嫩嘅位置,阿媽鍾意選 仲搭幾條新鮮冇油嘅菜心!啲飯係比較硬嘅絲苗白米
鵝肉嫩滑又新鮮點埋一啲好有酸梅味嘅酸梅醬,味道一流!
$48.一份嘅鹹菜豬肚,一上枱有啲驚喜!竟然係原煲上勁大煲好抵食🥳 豬肚嘅份量好多鹹菜亦都係仲有好多枝竹㖭啊!真係大件夾抵食,豬肚亦都好厚肉彈牙又爽口, 大力推介
$128嗌咗半隻油雞,油雞肉非常嫩滑豉油,亦都醃得入味!食到我舔舔脷
因為有午市孖寶再加$58有半隻燒乳鴿,嗌嚟試吓,亦都非常之出色!呢度嘅家禽都比我哋試勻晒🤣🤣真係不分上下,全部都好好味🙂↕️🥰
點心方面咖喱土魷亦都好出色地厚肉,唔會一浸梳打味,而且份量非常足
我比較欣賞嘅點心就係呢個叉燒腸!個粉皮做得超級好!彈牙得來又煙靭 !最好味嘅腸粉之一!鯪魚球超級大粒,亦都非常彈牙,撈嘅材料亦都好平均,又有蔥又有鯪魚肉,調味好好! 呢度除咗食物質素好,服務亦都比正常茶樓好得多!可能人流唔會話太迫,侍應亦都安排人手操作,非常有禮貌亦都隨傳隨到!有機會會再同屋企人嚟食☺️更多