今日果然一打開社交網站,見到好多人都寫低咗佢哋嘅2023年回顧文章😂我就冇咩想回顧啦,只係想寫低幾點感悟,大家鍾意就拎走,袋住面對2024啦: 1)日子過得好不好,其實不需要讓別人知道。只有缺乏安全感和軟弱的人,才會天真得以為前來慰問的人是真正關心你,而不是假裝關心完之後,把你的軟肋和秘密四處宣揚,並且把它們作為落井下石的最後武器 2)不必跟妒忌與討厭你的人辯解,永遠不要跌入自証泥沼。降低頻率,一秒都嫌多 3)有些事情,看破就夠,不必說破,微笑靜靜退開就好 4)當整個世界都同你過唔去,你就唔好再愚蠢地繼續同自己過唔去。世上唯一真正應該無條件對自己好的人,不一定是我哋老豆老母,但一定要係我哋自己 5)過去呢一年無論過得好唔好,至少有一半責任響返你自己身上;就算有某啲經歷際遇係外力造成,但用咩反應同情緒去回應,最後造成咩因果,都係來自你自己,所以,請好好反思一下,如果當刻嘅反應不再一樣,此刻嘅你,命運又會否不再一樣? 6)格局好重要。好重要。好重要。當你成日埋怨自己攔路遇到癲佬傻佬鬧你吠你,試想像吓如果你企響一樓,你只望到樓下有人唔知嘈咩,內容都未必聽得清楚;當你企響5樓,你只望到有條友指手劃腳;而當你企響30樓高,望住下面有粒蟻咁細嘅小黑點響度郁,你係咪仲會覺得自己需要理會? 7)日子越難過,越要好好咁過。顧好自己,唔好理人,唔好同人比較,萬千煩惱皆來自比較同分別心。少啲上網,世界好大,唔洗理個網絡世界興啲咩講啲咩,其實都係幾粒塵飄嚟飄去,是鬼但啦 8)閒事莫理,尤其2024。完。