深圳較場尾兩日一夜之旅 較場尾絕對係一個short trip 之選 我住嘅民宿就唔特別介紹，因為諗住平平哋住一晚間房普通不過乾淨張床都舒服。Trxx.com訂，不過建議可以嚟到較場尾睇啱邊間先即時入住。周圍都係民宿基本上一定有房。 蓮塘口岸過關去較場尾會近過其他關口 我哋喺關口搵到7人車¥220到較場尾（如果四人車會平一半）。由蓮塘到較場尾車程大約一個鐘。 對住沙灘一排嘅民宿係靚啲當然價錢亦貴啲。 沙灘旁的食肆亦都大約係香港嘅價錢。 古城附近民宿和食肆會平啲。佢離沙灘十分鐘步行路程。 我嘅晚餐喺 ‘漁村．鵬城飯館’，係我問民宿職員（應該係民宿老闆）推介。真係好好味。 佢話有幾間鵬城飯館但一定要搵‘漁村’鵬城飯館，其他係冒牌。去到呢間餐廳真係最多人嘅一間，最大嘅一間環境仲唔錯，有古城色彩。應該當地都出名。 古城購物街入夜之後更靚。小朋友買了一套華服。開價¥120，最後¥100到手還會替女兒插上髮义（髪义對面店舖買的¥15）。 距離較場尾最近嘅商場司機話應該係壹海城，call車都要¥80 （4人車）。回程就去一海城行吓坐返地鐵去蓮塘口岸返香港。