在OpenRice看到43折的餐飲券，只需二百元就可以6小時放題，真是好瘋狂! 📍位置：近油麻地站 A2 出口站，60X在登打士街下車，五分鐘就到。 🏠環境：門面和室內內掛滿和風旗幟🎏作裝潢，門口旁就擺放了🍨雪糕櫃，而🧃飲品櫃和🍰甜品雪櫃就在盡頭，有各種類的飲品，包括罐裝🥤汽水，韓式飲品，🧃紙包飲品，啤酒都有...；而甜品有幾款小蛋糕同泡芙。座位分靠窗邊，中庭和後方的包廂，氣氛輕鬆舒適。 🤵🏻服務：QR Code下單，收取加一。 🍽️午市：日式午市任食放題6小時 $189 🥘日本壽喜燒 送上一盤8塊的🥩肥牛和🥗蔬菜籃、高湯醬油和一小盒牛油。先溶牛油，再煎一煎牛肉或可以加壽喜燒汁煮肉。😚另外可以先放大白菜、冬菇、紅白蘿蔔、金菇和炸玉子豆腐，再倒壽喜汁湯，等湯滾了再放牛肉🥩，整體不錯，醬汁甜香，牛肉肥瘦均勻，不論煎或煮都好吃🥳。 🐟刺身：三文魚肥美、鯖魚、珍寶帶子厚肉、有頭赤蝦刺身嫩身、北寄貝刺身爽滑、赤貝刺身、 北海道角螺、泰式生蝦微辣和玉子。擺盤不俗，質素不錯，而且全部厚切☺️，吃完第一輪後都飽了😂。 🍣壽司：芥末八爪魚軍艦🍣、火灸帝王蟹棒壽司🍣、火灸岩鹽燒三文魚腩壽司🍣、火灸左口魚邊壽司🍣，這幾款的味道都不錯，👍有水準。 甜品：無糖三重奏朱古力🍫雪條🍦 職員特意推介給我們，而且有Mövenpick雪糕任吃😍，真是大滿足😋！特別是這款無糖的朱古力雪條，以為會甘苦，但一點也沒有，愈吃味道愈濃郁，而且有三層朱古力🍫，外層脆皮，內層是牛奶和再高濃度的朱古力，👍推介必吃！更多

好耐冇同放題之友去食放題， 心情難免有點興奮。 呢度係旺角樓上店， 座位闊落，相對走廊空間有點狹窄。 可能因為太耐冇食，感覺上自己有少少大鄉里，因為發現種類多咗好多，又可能因為食得早，兩小時任飲任食未計加一都唔洗$200。 除咗刺身壽司 平時食開嘅日式食物，呢度仲有火鍋、西式食物、泰國菜等，種類繁多。 另外， 見到寫每位...加$38就可以換半打生蠔，但本住一個價錢任食嘅心態就冇去問侍應詳情。 黑松露系列壽司味道吸引，刺身額外增添一份黑松露油香。 日本火鍋選了壽喜燒火鍋湯底，湯底超濃郁，本身鍋底十分多配料，抱住淺嚐心態就未必須要追加配料。 超多雪糕雪條款式選擇，大部分都係韓國牌子，有驚喜。 因為太飽喇，西式同泰式食物就未有機會品嘗。更多

這個星期日晚上，预訂了枱。 到達時人数並不多，坐下不久，餐廳经理已經幫我們點了放題選单內毫無特別的天婦羅、壽司、焗……，每一種送來的食物份量太多，我們未能暢快地品嚐其他。不吃畢送來的食物，又感浪費。 這食物味道較差，每位放題价錢又貴，因此並不推薦。但其員工服務則尚可。

兆萬中心真是放題集中地，極上帝王水產係其中一間質素高的放題。餐廳坐位寬敞，服務員友善，而且食物選擇多，又新鮮，正。

餐廳：極上帝王水產 (旺角) 地址：旺角西洋菜街1號兆萬中心9樓 五月嘅時候向大家介紹過兆萬中心8樓嘅神戶屋，而今次去嘅放題餐廳係9樓嘅極上帝王水產，兩間放題餐廳，背後係有啲關係同淵源，原來呢兩間放題餐廳都係嚟自同一個集團，只不過老闆唔同，員工亦會按需要喺不同樓層幫手 唔好以為兩間放題餐廳同一個集團，食嘅嘢就係一模一樣，原來...兩間放題餐廳各有千秋，8樓特色係日韓食品，而9樓特色就係泰式同西式食物 磯燒松葉蟹蓋 充滿蟹膏嘅蟹蓋燒香，加上蟹子同日式醋飯，每一啖都滲透住蟹味嘅濃郁，蔥花亦為蟹蓋加上蔥香，令鮮香味更突出，岩岩即燒完就食，真係無得彈 炭燒日式A5和牛 同蟹蓋一樣都係可以自己玩自己燒，放上炭爐每邊燒大約一分鐘，加上海鹽，令和牛唔再單調，反而帶有一陣一陣嘅鹹香鮮味，肉質嫩口，少少脂肪令和牛更香更好味 焦糖燒菠蘿 平時嘅冰菠蘿或者普通燒菠蘿就食得多，估唔到焦糖燒菠蘿可以令平平無奇嘅菠蘿變得咁好食，唔單止菠蘿香甜，經焦糖燒過後令菠蘿增添左脆脆嘅焦糖香，層次分明，當甜品食一流 辣酒煮螺 辣味螺亦係我比較鍾意嘅其中一款食物，麻辣香佈滿每一舊菇同螺，唔單止覆蓋左螺肉嘅腥，亦都令螺肉變得惹味十足，鍾意螺嘅朋友仔係時候出動喇 接近20張紙嘅食物比你選擇，除左以上講嘅食物，生蠔同海膽亦都係推介之選，仲有芝士漢堡扒同蒲汁鰻魚、雞軟骨都值得一試，咁多好野食，千其唔可以錯過更多

到上星期六先約齊吃叔仔一家和前嫂嫂吃開年飯，最方便是吃放題可以各選所愛，不過放題店我都吃過八、九成！見到這間極上帝王水產未試過那就選它吧！ 飲品在雪櫃自己隨意選擇，最開心竟然有我想飲的Sparkling Water，車爸爸則選了OJ橙汁，而家個樣變到真係好似Facebook啲照騙一樣，真係阿媽都唔認得啊！ 甫坐下侍應即送上和...牛壽喜燒一客，大家都吃到樣都衰埋！皆因牛肉鞋到冇朋友！！ 接着點了一些刺身內有三文魚、北寄貝、象拔蚌、虎蝦刺身、榮螺片、赤貝、北海道帶子、珍寶赤蝦、甜蝦、鮑片、及希靈魚刺身等！而較為出色的我覺得是三文魚及鮑片刺身，其他的都尚算新鮮。 接下來的壽司我反而覺得質素唔錯！尤其是火炙壽司更為出色。 這個可愛的帝王藍鯨拖羅蓉杯，賣相真的甚為搞笑味道就算了吧！ 另外還有生蝦刺身汁醬都做得很像樣，生蝦亦夠爽口這個其實已算幾好味。 點了三份蒲燒鰻魚用小小的錫紙兜載着感覺有點小家！味道亦沒甚驚喜！其實唔腥已經好幸運！ 而這個黃金燒日本廣島生蠔，真係細隻到差一點看不到它！ 永遠在放題最好食的芝麻雞翼，這兒竟然炸得不香不脆亦好失望啊！ 另外點選一些天婦羅有海老、溫室南瓜、溫室BB蘆筍天婦羅，不過真係冇想過溫室BB天婦羅真係幼到牙籤那樣哈哈哈！ 全晚我覺得最好味反而是這個避風塘香辣炒大蝦，蝦肉夠新鮮而且香辣惹味，不過唔知點解有些連蝦殼有些淨蝦肉？？ 還有泰式炒豬頸肉和牛油粟米看來後者受歡迎啲喎！ 我們還點上麻辣煮花螺和日式豉椒炒蜆，麻辣煮花螺我就明白，個點解會係日式豉椒炒蜆嘅？其實好明顯似白酒煮蜆來！ 這個黑椒炒雜菌亦都係好受歡迎，調味不俗又香又滑要Encore呢！ 最後當然要來一些飽肚的食物，從來食放題我最喜歡必定是日本水蟹粥，可惜這味也弄得十分麻麻真的令人十分失望！ 最後當然少不了一張大合照啦！平時各有各忙真係一年先相聚一次，光陰似箭小姪女都已讀大學了！真好期待下一次的羅家聚餐啊！更多