陳凱琳臨急改婚禮地點 賴慰玲︰去邊都跟住去

賴慰玲（Winki）昨日為無綫新劇《廉政行動2019》試造型，提到好姊妹陳凱琳和鄭嘉穎本到印尼峇里結婚，但因印尼地震，傳兩人將婚禮地點改到泰國布吉，陳凱琳更打卡自爆身在當地，賴慰玲笑言無論好友在哪裏結婚，自己定必出席。

賴慰玲昨日與老友陳瀅出席新劇記招，提到陳凱琳疑臨時改到布吉行禮，將與老公出席婚禮的Winki，表示因準新人想低調行禮，所以交由主人家公布時間地點。問到若婚禮照舊在峇里舉行，會否擔心當地有餘震？她笑說︰「總之佢哋去邊度，我哋都會跟住去。（囝囝會一齊去？）佢仲未有護照。」

陳家樂同緋聞絕緣

同場的陳瀅與陳家樂在新劇合作，會否擔心與對方傳緋聞？陳瀅「落閘」說︰「唔會有緋聞！（有發展機會？）應該唔會，大家都好忙。」陳瀅笑指若有緋聞會找Winki擋架，但Winki竟說︰「你都係時候拍拖啦！」陳瀅尷尬說︰「我係時候拍拖，但我咁樣講出嚟就好似好猴擒咁，搵男朋友都唔會喺工作時間搵。」而陳家樂則大讚陳瀅很nice，但他說︰「第一次合作咁快講感情事？熟絡啲先。我暫時係絕緣體，唔講緋聞。」

撰文︰倪小珊

編輯︰李潔盈

美術︰梁政敏