葵廣真係好多嘢食~緊接上一個post唇茶嘅介紹,呢間Croffle就係唇茶對面,一條路左右2邊買完就... 閱讀更多
來這裡好方便,近地鐵站! 想吃.想買衣服.小飾物.想買手機配件都可以裡這裡的小店找到! 很適合年青人成年人來的一個廣場! 也有適合小朋友的玩具飾物小店衣服買的
葵廣有好多小食鋪頭款式繁多, 味道都唔錯 ,不過如果要試好多款都唔太平 ,假日去會人頭湧湧, 但係如果想掃街,又想買平衫的話真係一個非常好嘅選擇
次次去葵廣一定要食慧食貓既手抓餅!一來良心小店,二來真係好香好好食!
平日通常都要等最少15分鐘,講低食乜老細就會叫你隔幾耐番黎,隔左15分鐘同老細講多次叫左咩佢就會即整,自己叫乜再擺低錢就OK,呢啲老細邊到搵。千祈唔好搏大霧走去講之前叫定,佢會認得人。
火腿雞蛋煙肉手抓餅($25)
手抓餅唔會好厚,好脆好香。煙肉都煎到好香,蛋都好滑,加埋大大塊生菜夠爽口。$30有找真係抵到爆!
曾經試過自己喺屋企整,但都整唔到佢嗰種咁香又脆既口感,所以都係不停encore 。
葵廣必食小食第一位!CP值高既香脆熱辣辣手抓餅!有時間唔好介意等下,會值回票價。
慧食貓
葵芳葵富路7號葵涌廣場1樓B01C號舖
☎️6586 6386
⏰星期二至日 13:00-19:30
富華冰室外賣漏單仲要兇個客
本區街方,平時堂食已經試過漏單, 員工態度又唔係好,但原來無堂食後外賣更加惡劣。外賣唔跟單號已經慣咗,見單號過咗咁多個 又過咗10分鐘就問下佢,個男伙記已經唔好老脾咁話係要等架啦,再過10分鐘問個女的,點知仲衰,佢瞪大對眼兇我話,外賣唔洗包ar.....
我真係呆咗,一個涼瓜排骨飯等20分鐘,問下佢有無漏單姐(因為經常都有漏,堂食都漏過幾次)佢哋竟然兇個客,仲要連同個廚房佬睥9我話外賣係要等架啦。
我鬼唔知要等咩,20分鐘唔通都唔可以問下?
見我係女仔就識兇我,黑店。
葵廣真係好多嘢食~緊接上一個post唇茶嘅介紹,呢間Croffle就係唇茶對面,一條路左右2邊買完就坐低極速食晒
近來真係發覺好多Croffle,繼而愛上了,牛角包質感嘅waffle,原來係韓國傳入,呢個食物真係發現得太遲了[色]
Chocolate Dipped朱古力酥酥$33
呢間係我食過最脆嘅一間,熱辣辣!朱古力醬一齊食超正[色]原來冇雪糕都好好食,朱古力醬唔係超甜,我諗係介乎黑朱古力之間,多醬真係一流推介
Crème Brûlée焦糖燉蛋酥酥$38
老闆話呢款最特別最受歡迎,所以我就試埋呢個,面頭係燉蛋醬,再用火槍燒到有焦糖,食落幾新穎,味道都夾嘅,少少甜,一樣食晒
$71/2ppl
酥酥 (葵芳)
葵芳葵富路7號葵涌廣場3樓TOP世界3069-T13-T15號舖
Instagram: snowycookingkitchen
Facebook: Snowy’s Cooking Kitchen
今日去葵青劇院睇show, 喺度度都無謂嘅情況底下,嚟咗葵廣呢一個美食勝地,竟然唔使等位底下,三個人都可以從容地享用晚餐。
以為將貨就價,對食物質素冇乜期望,叫咗個紅油抄手,以為好似出邊咁一劈紅油墊底,做好了色誘你嘅準備,上枱時驚喜嘅係,一啲都唔油,仲落了蒜蓉,一啲都唔似出邊嘅做法,一口咬落去,有酸酸辣辣嘅感覺,還有蒜蓉的香氣,好醒胃,係椰菜豬肉餃,肉質新鮮有肉味,不是薄皮餃,但有媽媽包水餃嘅感覺,呢個紅油抄手絕對值得再幫襯。
喜觀日本的香港朋友仔要注意啦! 位於葵興的日和晨曦,是間日系影相館。影相館24小時營業,給予客人預約拍攝和埸地租用。而逢星期六日則會變成影相咖啡店☕️,店內會有深水埗的人氣咖啡店 Minimal @minimal_cafehk 的蛋糕和花茶供應哦~
影相館設有日式傳統榻榻米,大量懷舊道具和日本浴衣,每一個位置都是好好的打卡位呀! 當天與好姊妹拍照拍得好開心,日式布甸、提拉米蘇和芝士蛋糕都好好吃。而且店員好貼心,會幫忙協助穿浴衣,值得來拍照留念呀~