昨日有周刊爆羅兆輝九五年時，與公司女助手伍×敏相戀，並於九六年誕下兒子羅×樑，今年五歲的樑仔現就讀九龍塘區著名國際學校。羅兆輝返港翌日，伍×敏曾往羅家探訪，但離開時卻不欲上鏡，並俯身避鏡頭。
食藥會屙肚腩細
而羅兆輝還表示其前妻鄭黛芬三年前已知道此事，但當時並未要求離婚。
昨日羅兆輝接受本報電話訪問時，承認自己有個兒子，並表示已很久沒有見他。羅兆輝說：「我係有個仔，我已經好耐冇見佢，但我唔想多講，因為佢重細，我唔想影響佢，希望傳媒唔好再搞我個仔啦！我𠵱家好乖，有食藥亦有食嘢，個肚腩都細咗，因為醫生畀我食啲藥係會屙嘅。我求吓你哋，畀我休息下，唔好再騷擾我嘞，我希望做番正常人，好想快啲返工做嘢。你哋喺我屋企樓下等嘅手足都唔好再等嘞，我啲咁嘅人唔值得你哋等㗎！」
羅母盛讚孫仔乖
而羅兆輝的母親昨日在電話中說：「我都成半年冇見過個孫，佢好乖㗎，伍小姐好好，無論我個仔係乜環境，佢都會抽時間嚟見吓佢，希望個仔會識得珍惜身邊嘅人同埋事啦！」
採訪：甘比