黎瑞恩「火勢十足」回擊
黎瑞恩(小恩子)早前於社交網站上載爛面相,自爆在7月23日開Live後不久,「生蛇生上眼」,困擾她整個月,病情反覆,又癢又腫又痛,更生出水泡,苦不堪言。幸好現時病情經已向好,不過,有持不同政見的網民卻乘機發炮,甚至向她惡意攻擊及詛咒。
對於有網民在「傷口灑鹽」,47歲小恩子原來都「火勢十足」,被激起怒火的她昨晚(17日)在社交網站發文還擊:「嘩嘩嘩,睇到一班人充滿仇恨、滿口惡言、心腸歹毒、講嚟講去三幅被嘅留言,真係唔好意思呀!我真係笑咗囉!我只係生蛇啫,我仲未死,咁快就開心到咁?不過唔緊要啦!發洩吓都好嘅,做人最緊要開心,你哋嘅祝福,上天一定睇到嘅。#唔想罵戰#承唔到你哋貴言#非常難過」。
不過,小恩子仍受不少粉絲留言力撐,如有人關心她的身體健康,因而叫她要多休息,小心身體,不要動氣,亦有人出言安慰「時運高睇唔到」、「左耳入右耳出」、「不遭人妒是庸才」等。
來源:巴士的報
Instagram:https://www.instagram.com/ccue.ca/
Facebook:https://www.facebook.com/ccue.ca