榮華酒樓 (已結業)

即叫即蒸舊式酒家 買少見少舊式酒樓，舊式服務員，舊式服務態度！確實以舊式來說衛生已經算不錯。點了蝦餃燒賣鳳爪，食物是要等的，因即叫即蒸，所以可以接受。整體來說不錯！

今日去左灣仔嘅榮華飲茶，呢邊大多數都係做街坊生意，所以野食就唔係特別好味，環境普通，來呢度飲茶目的都係想感受留香港嘅老情懷，呢間野最特別嘅地方唔係Ｄ點心反而係呢度嘅炒物，如果係要選一樣最好味嘅就一定係干炒牛河。油度適中，牛就炒得剛剛好，仲係好嫩香港大排檔嘅老火味，可以係黎度搵到。所以來呢度食野，一定係要選呢類型嘅炒物。

間野係我公司個頭, 所以有時想買外賣都會去呢度, 除左飲茶, 其實打公仔可以係佢樓下買飯盒架, 好想讚下佢d飯盒平均都係22元一個飯, 唔包飲品既, 平時最愛佢既鳳爪排骨飯外賣, 佢真係成個盎去蒸, 你叫外賣時佢會掉個蒸飯去個外賣盒度比你, 加d豉油, 但佢既鳳爪排骨飯我特別中意食既原因係因為, 佢d飯唔會無味得豉油味, 佢真係有鳳爪排骨既香味架, 我由20蚊食到佢加到22蚊, 仍然都咁中意食佢, 除左呢個, 我仲試過荷葉飯, 仲有梅菜扣肉飯, 二個都可以一試, 不過打公仔想食lunch買外賣? 可以去試下個鳳爪排骨飯呀, 如果太遲買有時真係會買曬架

Came here for dinner with my dad. This is an old restaurant and can't expect too much with its decoration, and environment. We were seated on the ground floor, which was nearly full when we left.Just the two of us, and we could not order much. My dad was very interested with lobster with noodles (薑蔥焗龍蝦伊麵底), so we ordered one (at $198). We also ordered 草姑介菜膽 (don't know how much).The lobster arrived quickly. The size was reasonably big and was rightly cooked. Meat was chewy and fresh. How

今天放假，相約老爸午膳，選了他家附近的榮華酒樓。榮華的月餅、臘腸也吃過多次，但上酒樓則是第一次，未到下午一時，酒樓已有七成滿，我們被安排在較入位置，點了普洱茶，但來了香片，為免浪費，也照飲可也。看看餐牌，午巿有特價抵食孖寶，八款點心可選兩款，而炒粉麵又有八款選一款，問過老爸意見，選了蝦餃和大利燒賣及珍珠帶子海鮮粒炒紅米飯，再加一碟油菜。先來的珍珠帶子海鮮粒炒紅米飯頗大碟，而且紅米和白米的份量相若，紅米已煮開、軟糯，材料有珍珠帶子，蝦仁，菜粒，紅蘿蔔粒等，夾雜有蛋絲，味道偏淡，油、鹽落得不多，也沒有雞粉味精橫行的縱影，帶子和蝦沒有甚麼調味，若以健康角度來說，是很理想的一碟；蝦餃的皮與餡料有些虛位，樣子不夠結實，像穿了大兩碼衣服的孩子，澄麵皮也不夠彈牙，而餡料是新鮮的；大利燒賣，有兩件豬利在上面，肉質較硬，味道則鮮甜，下面的燒賣有豬肉和蝦，有彈性、新鮮可口；青蔥的菜芯漉得仍爽脆，淋些少辣椒豉油，更令平淡的菜味泛起了漣漪。過了一時，午膳的人已愈來愈多，父子兵也要撤退了。在樓下外賣部看見有老婆餅，紅豆酥等，問問老爸要不要些作下午茶點，他點頭說好，隨即買了三個豆沙，兩個蓮蓉酥讓他拿回家，都是二十

早上要在附近處理一些私務,時辰未到,便找個地方飲個茶,在世紀酒店一帶,最近是再興隔離的榮華酒樓.同西環不一樣的光景,平日早上九點,茶廳冷清清.對我當然是好事,可以坐低靜靜地看看報紙.點心紙上的選擇甚多,幾十款煎炸咸甜點紛陳,但是天早上胃口不大,只能吃三味.實在可惜.先吃個炸雲吞,有何特別?沒有,只是自己想吃一些香口的點心,雲吞炸起不久,香脆可口.蝦餃外皮較黏,皮與皮之間黐在一起,一夾就爆.幸好是餡內的蝦肉,尚算新鮮爽甜.現今已很少地方,可找到真正的灌湯餃,即是將湯汁灌入餃內.而不是浸住湯上的一種.記得上次吃過此味,是在北角鳳城.榮華的灌湯餃是放湯上.論湯底算幾好,帶有金華火腿的味道,頗清甜,但餃子內的餡料太散,所有材料打成一片,打到"面目模糊".區區三味,連茶芥要成六十幾,論質素是不便宜.似乎未來日子來榮華,大約是來買臘腸.

一月上旬不錯的陽光周日，有事要請教老上海朱師傅，路經此地，先飲杯茶、一籠包，看看元朗老店外，另一榮華早茶風味。兩層高的茶樓，下層仍保留著賣餅點的風格，今賣的非傳統嫁女餅，而是禮盒裝冬蓉老婆餅，與及秋風起後臘鴨、臘鴨脯吊掛當眼處，老伙計亦落力作推介，對偶這探路的生客亦然，難得。叉燒腸粉是即叫即上，叉燒作絲，帶點甜味，嚼口略嫌不足亦易掉餡，腸粉皮薄但不算滑亦欠米香，話雖粗粗魯魯，但夠熱，看著報紙，還是一口一口吃個碟子「照鏡」。老伙計招呼好得不得了，還會建議攝影角度，是日所見似乎材料也是擺設得較「靚仔」才推出，作小半天無事小神仙的茶客，拿著點心紙，滿意埋單去了。更多茶話分享@http://foodxfile.blogspot.com/2010/01/blog-post_21.html

當你很努力地尋找再興的龍尾時，不妨看一看一條比較短的龍，就在左近。我說的就是榮華大酒樓，酒樓下面有很多不同款式外賣如蒸飯栗米肉粒飯，荷葉飯等等。而我，最鍾情還是它的鳳爪排骨飯。一直喜歡一些較淋的東西，所以對鳳爪是一直的喜愛，這家做的鳳爪也是預期中的入味，有一般酒樓的水準，加上鳳爪肥一點，皮位多一點。一向不喜歡排骨，不明為何鳳爪一定是配排骨，今次又想把它視作後備。但一咬下去，感覺大不同，那個汁本身就很夾排骨，加上肥位多，咬下去軟綿綿的，肉質不會又鞋又硬，原來排骨也可以好味的。大部份不過二十三元，又一家好吃又抵吃的推介。

昨天，媽媽和弟弟到太子京華酒樓飲下午茶，單是等位便需一小時了，等到極不耐煩。老公話今時今日根本不需等位，特別是星期六和日，只要去中環和灣仔便可。由於我和老公都未去過灣仔榮華酒樓飲茶，於是今天我們便去這老店品嚐一下。 原先我們以為這酒樓的格局很古老殘舊，因為從網上得知，這裡有蟑螂出沒，衛生麻麻，但當我們踏進大堂後，卻發現四周環境比想像中好得多，很明顯這酒樓是曾裝修過，枱和枱之間都不擠迫，而侍應生的服務亦很欣勤。 我們到達時為二時左右，看過餐牌才發覺星期日沒有下午茶時段，可能因為這樣，某些特價點心都沒有。最後我們吃了牛腸、蘿蔔糕、生竹牛肉、蝦餃、义燒包和煎腸粉，覺得味道如下： 牛腸：牛肉沒有味道，腸皮又厚。蘿蔔糕：蘿蔔是刨絲的，味道幾好，但煎得唔夠香脆。生竹牛肉：牛肉一樣沒有味道，老公覺得咸了D。蝦餃：蝦肉的味道不差，但可能蒸得太耐，蝦餃皮有些硬。义燒包：味道ok。煎腸粉：可能是自製腸粉，粉皮較厚和un，唔掂。 總括而言，龍門大酒樓的價錢只是比這間多一點，以食物來選擇的話，我會選擇龍門大酒樓，因為之前試過其點心真的出色得多﹝除了义燒包)。

和媽行了落黎灣仔, 見咁耐冇幫襯過呢間老字號, 今日機會來了, 捉媽上樓一試先!上到樓上, 大叔馬上招呼我們坐下; 但d阿叔又不是舊店d好串果d, 又幾nice 噃.睇吓有咩特價野, 有"抵食孖寶" , 自選一燒味加一送, 八十幾蚊;但兩人都不太餓, 只叫了個"富貴油雞+魚湯米線一窩"算了;加埋都係55蚊, 希望唔係迷你size啦!但驚驚地, 都係加多籠蝦餃先...好快上, 嘩, 都唔細架, 兜米線幾多;湯魚味不太濃, 冇胡椒味, 但也唔腥, 不錯!米線味道正常.d湯後尾喝晒!雞方面, 真係俾足半隻你, 冇揾笨!雞都好味, 肉幾滑, 唔鞋;籠蝦餃味都ok, 都係16蚊, 仲想點?喝口茶, 幾飽~兩人食了九十幾.服務ok.老店有佢地的feel, 去此等店子飲茶, 感覺係好唔同的;走果陣看到樓梯轉角果張已變晒色的brooklyn bridge 海報, 驚覺此店已"n"年了.灣仔人的集體回憶, 仲有幾多?

My parents and I were looking for a place to eat and remembered this old restaurant. We had to get some Chinese Sausage Gift certificate so we decided to give this a go again. It was quite busy for a weekday 7:30 dinner, we got one of the last table. This is not the cleanest of restaurant but acceptable. I was craving Chinese sausage clay pot rice so we end up ordering a Duck Liver chinese sausage with Preserved Duck rice, Oil Soaked Fish(really is deep fried), BBQ Pork and seafood vege of t

叉燒包，鳳爪：一般貨色，食得入口潮州粉果：我本身唔鍾意食潮州粉果，不過同事叫就食，點知有驚喜，個皮好嫩口，又滑彈，好食。牛肉炒麵：唔得，個汁一團野... 好咸... -_-"服務ＯＫ，個炒麵耐未來，伙計唔駛我地叫，見我地有野未來自動同我地跟單...

整個食飯的過程中，兩位朋友一直在建議及估計我的榮華的食評的標題，什麼"再訪榮華"，"腸粉醬油不上色"等等。與其係咁，倒不如......不設標題。兩位教師朋友仍然在享受其悠長暑假，趁路經灣仔，就約小弟去食個lunch，我當然欣然應邀出席。叉燒腸，自行淋上醬油，味道夠但總不上色，相信是用了生抽。說回腸粉，皮偏厚亦不滑，叉燒都只係一般，稱不上是好。雞扎是我的至愛，這樣是用傳統的配料，腐皮、火腿、雞肉，我總覺得傳統的配搭是最好的。現今的雞扎，用什麼淮山、叉燒做材料，一塌胡塗。近年好少食到麻蓉飽，見到呢度有立即叫一籠。飽身還算鬆軟，麻蓉好香，也很喜歡其起沙般的口感，雖然是好漏，都要多食一個。油菜太硬，蝦餃和菜苗餃因有蝦我都冇試，不過評語都只係一般。最後一款是蒸芋蓉，上面灑一點蔥花，裡面有些少蝦。總的來說，芋蓉是幾香，口感好幼細，可惜已經太飽。如果唔係，叫一碗白飯去送就一流。埋單每人幾十蚊，食到飽一飽，都收貨了。

不是泉章便是蓮香，今次由雲雲提議，週日在這裡預祝父親節。午飯時間，座位滿了三分之一，雲爸雲媽頓失信心。叫了白切雞拼乳豬$75、涼瓜煎焗魚腸$50、燒鴨鹹蛋飯$38，及四款點心＄50。咸水角正常。鮮蝦腸粉中下水準，只有雲雲力撐。難得一見的豬潤燒賣、蒜蓉蒸吊桶皆不錯，只是肉多膽固醇更多，叫得你都預左。乳豬有近十塊，仍脆皮，又是雲雲吃得最多。不嗜雞故無吃。魚腸名為砵仔蒸，見用碟上略失望，幸味道頗佳。燒鴨和乳豬一樣，只吃皮和瘦肉，十分折墮。整體環境陰暗，侍應圍站一邊聊天，氣氛甚差。埋單$279，要繼續支持恐怕要找不到理由。

同男友兩個後生仔女去飲茶下午茶時段~都不太知道價錢...好似寫得唔係太清楚~入到去~安排左兩個位俾我地之後,staff就即係問我風口位,凍唔凍,其實都無乜風,但係對呢到d服務已經好有好感~~叫左差唔多十碟/籠野食~凍凍有野食個阿姐都講句:慢慢食,多謝晒~相比起有d茶樓,呢到d阿姐有禮貌好多~另我最深刻ge食物係馬拉糕~一籠有三件,中間夾雜d花生醬~好好味呀~~我地仲叫左蝦絞(無薑絲,岩我),燒賣(d色暗左d,但係都唔錯),山竹牛肉球(普通茶樓味),糯米包(黃色皮包住,我仲以為係糯米卷添),牛肉腸(好味~竟然可以做到咁清),蘿蔔糕(都好好食,唔係好散,加埋甜醬真係very good),唔記得仲有咩lu~~最後好似走漏一張單---蝦米煎腸粉...不過唔緊要,因為果時我地都飽到上心口~^^埋單都係$118,我諗,每碟/籠野都唔過$10,茶位連加一都唔太貴~