獎門人感謝祭終極篇｜三哥聲言終極非結局 組隊惡鬥《中聲2》《福祿壽訓練學院》

每個星期為大家帶來唔少歡笑同網購優惠嘅《獎門人感謝祭終極篇》，呢集唔止有 苗僑偉 謝天華 洪天明 等組隊，同《中聲2》嘅 古淖文 譚輝智 顏米羔 等成員組成嘅隊伍，加上有《福祿壽訓練學院》嘅成員參與，就令呢日錄影場面更加熱鬧喇。

三哥話上季最後一集自己亦有參與，佢仲認為雖然呢集以終極篇作為主題，但係就相信獎門人長拍長有咁話喇。而《中聲2》嘅成員雖然對節目嘅遊戲環節都非常熟悉，不過首次參與就多少都會緊張喇。

人強馬壯嘅訓練學院成員，似乎想以大堆頭氣勢擊退其他對手， 黃建東 就指要同 林秀怡 齊齊啜紫菜，因為睇唔過眼佢公器私用，至於 趙亮昭 就話希望會一會一代性感代表 葉子楣 咁話。